Qorǧanys ministrlıgınıŋ äskeri qyzmetşısı Bauyrjan Äbdıqaiym Almaty qalasynda Nauryz meiramyna orai ūlttyq sport türlerınen ötken jarysta Qazaqstannyŋ jaŋa rekordyn ornatty. Būl turaly ministrlık jariialady, dep habarlaidy “Adyrna” ūlttyq portaly.
Ministrlık mälımetınşe, efreitor B.Äbdıqaiym salmaǧy 50 kelı qoşqardy ekı saǧatta 2050 ret köterıp, jaŋa rekord ornatty. Osydan bır jyl būryn Bauyrjan qoşqardy 1600 ret kötergen bolatyn. Jalpy, būl onyŋ osyndai jarystaǧy segızınşı jeŋısı.
Sportşy Almatyda ūiymdastyrylatyn respublikalyq, qalalyq marafondar men ırı sporttyq ıs-şaralarǧa tūraqty qatysyp keledı. Al biyl Otan qorǧauşy künıne orai Almatydan Tarazǧa deiın jügırıp jetudı josparlap otyr.
Efreitor Bauyrjan Äbdıqaiym Ortalyq sport klubynda 2017 jyldyŋ mamyr aiynan komendanttyq vzvodtyŋ aǧa sarbazy lauazymynda qyzmet atqaryp keledı.
Ūqsas jaŋalyqtar
