بىلىمگە سالىنعان ينۆەستيتسيا: Ustaz Ulytau جوباسى قازاقمىسقا قاتىسى بار وڭىرلەردەگى 85 مەكتەپتى بىرىكتىردى

جەزقازعاندا Ustaz Ulytau پەداگوگيكالىق ترانسفورماتسيا ورتالىعىنىڭ بەس جىلدىعىنا  ارنالعان مەرەيتويلىق جيىن ءوتتى.

«دامۋ تراەكتورياسى: جاڭا مۇمكىندىك» اتتى تاقىرىپپەن ۇيىمداستىرىلعان ءىس-شاراعا قاتىسۋشىلار اتقارىلعان جۇمىستى قورىتىندىلاپ، ءبىلىم بەرۋ سالاسىن دامىتۋدىڭ وزەكتى ماسەلەلەرىن تالقىلادى.

سونداي-اق مەكتەپ، پەداگوگ، ساراپشى جانە مەملەكەتتىك ورگاندار اراسىنداعى ىنتىماقتاستىقتىڭ الداعى باعىتتارىن ايقىندادى.
Ustaz Ulytau جوباسى 2021 جىلى «قازاقمىس كورپوراتسياسى» جشس-نىڭ قولداۋىمەن ىسكە قوسىلدى.

وسى ۋاقىت ىشىندە جوبا كومپانياعا قاتىسى بار وڭىرلەردەگى ەڭ ءىرى ءبىلىم بەرۋ باستامالارىنىڭ بىرىنە اينالىپ، ۇلىتاۋ، قاراعاندى جانە جامبىل وبلىستارىنداعى 85 مەكتەپ پەن ەكى كوللەدجدى جانە ەكى قوسىمشا ءبىلىم بەرۋ ۇيىمىن قامتيتىن دەڭگەيگە جەتتى.

جوبانىڭ نەگىزگى ماقساتى – تۇرعىلىقتى جەرىنە قاراماستان وقۋشىلاردىڭ ساپالى ءبىلىم الۋىنا جانە پەداگوگتەردىڭ كاسىبي دامۋىنا مۇمكىندىك بەرۋ. وسى ماقساتتا مەكتەپتەردە زاماناۋي ءبىلىم بەرۋ ادىستەمەلەرى ەنگىزىلىپ، كاسىبي باعدارلاۋ باعدارلامالارى، STEM-تاسىلدەرى مەن اعىلشىن ءتىلىن وقىتۋدىڭ تەحنولوگيالارى جۇزەگە اسىرىلۋدا. سونىمەن قاتار پەداگوگتەر مەن ءبىلىم بەرۋ ۇيىمدارىنىڭ باسشىلارىنا ارنالعان بىلىكتىلىكتى ارتتىرۋ باعدارلامالارى جۇيەلى تۇردە جۇرگىزىلۋدە.

جوبانىڭ ەڭ ماڭىزدى ناتيجەلەرىنىڭ ءبىرى – وقۋشىلار مەن پەداگوگتەر ءۇشىن حالىقارالىق ءبىلىم الۋ مۇمكىندىگىنىڭ ايتارلىقتاي كەڭەيۋى بولدى. بەس جىل ىشىندە 43 وقۋشى، سونداي-اق عىلىمي جوبا بايقاۋىنىڭ جەڭىمپازدارى مەن ولاردىڭ عىلىمي جەتەكشىلەرى ۇلىبريتانيادا تىلدىك ءبىلىم بەرۋ باعدارلاماسىنان وتۋگە قول جەتكىزدى. سونداي-اق 22 پەداگوگ، ءۇش كاسىبي باعدار بەرۋشى مامان جانە ون مەكتەپ ديرەكتورى حالىقارالىق تاعلىمدامادان ءوتتى.

دارىندى وقۋشىلاردى قولداۋعا ەرەكشە كوڭىل بولىنۋدە. جوبا اياسىندا وتكىزىلەتىن قانىش ساتباەۆ اتىنداعى حيميا وليمپياداسى بىرنەشە جىلدىڭ ىشىندە رەسپۋبليكالىق سايىستان حالىقارالىق دەڭگەيدەگى ءبىلىم بايگەسىنە اينالدى. 2025 جىلى وليمپياداعا قازاقستان مەن قىرعىزستاننىڭ جانە رەسەي فەدەراتسياسىنىڭ كوماندالارى قاتىستى.

جەڭىمپازدار مەن جۇلدەگەرلەردىڭ قاتارىندا ۇلىتاۋ وبلىسىنىڭ وقۋشىلارى دا بولدى.
پەداگوگتەردىڭ كاسىبي قاۋىمداستىعىن دامىتۋ جوبانىڭ ماڭىزدى باعىتتارىنىڭ ءبىرى بولىپ قالا بەرەدى. تاجىريبە الماسۋ جانە زاماناۋي باسقارۋ تاسىلدەرىن ەنگىزۋ ماقساتىندا مەكتەپ ديرەكتورلارىنىڭ كلۋبى قۇرىلدى. بۇگىندە ول 65 ءبىلىم بەرۋ ۇيىمىنىڭ باسشىسىن بىرىكتىرىپ وتىر. بۇگىندە جوباعا قاتىسۋشىلاردىڭ بىرقاتارى ءبىلىم بەرۋ جۇيەسىندە باسشىلىق قىزمەت اتقارىپ ءجۇر.

Ustaz Ulytau پەداگوگيكالىق ترانسفورماتسيا ورتالىعى قر وقۋ-اعارتۋ مينيسترلىگىمەن، ى. التىنسارين اتىنداعى ۇلتتىق ءبىلىم اكادەمياسىمەن، «دارىن» رەسپۋبليكالىق عىلىمي-پراكتيكالىق ورتالىعىمەن جانە ەلىمىزدىڭ جەتەكشى جوعارى وقۋ ورىندارىمەن تۇراقتى نەگىزدە قارىم-قاتىناس جاسايدى. مۇنداي ىنتىماقتاستىق وڭىرلەردە زاماناۋي ءبىلىم بەرۋ تاجىريبەسىن ەنگىزۋگە جانە ءبىلىم ساپاسىن ارتتىرۋعا ىقپال ەتەدى.

ءبىلىم بەرۋدى قولداۋ جانە ادام كاپيتالىن دامىتۋ «قازاقمىس» توبىنىڭ الەۋمەتتىك ساياساتىنىڭ ماڭىزدى باعىتتارىنىڭ ءبىرى بولىپ قالا بەرەدى. Ustaz Ulytau جوباسى كومپانيانىڭ جاس ۇرپاقتىڭ دامۋىنا، پەداگوگتەردىڭ كاسىبي وسۋىنە جانە وزىنە قاتىسى بار وڭىرلەردەگى ءبىلىم بەرۋ ساپاسىن ارتتىرۋعا باعىتتالعان جۇيەلى جۇمىسىنىڭ ءبىر بولىگى بولىپ تابىلادى.