فوتو: قر ەكونوميكا مينيسترلىگى
پرەمەر-ءمينيستردىڭ ورىنباسارى سەرىك جۇمانعارين باستاعان قازاقستاندىق دەلەگاتسيا گۋمانيتارلىق جانە ىسكەرلىك ميسسيامەن اۋعانستانعا باردى. ەلگە جالپى سالماعى 318,8 توننا بولاتىن گۋمانيتارلىق جۇك جەتكىزىلگەن. بۇل تۋرالى ەكونوميكا مينيسترلىگى مالىمدەدى، دەپ حابارلايدى "ادىرنا".
اقپاراتقا سايكەس، كومەك قۇرامىندا قانت، ءدارى-دارمەكتەر، شاتىرلار جانە باسقا دا ەڭ قاجەتتى زاتتار بار.
دەلەگاتسيامەن بىرگە كابۋل قالاسىنا توعىز قازاقستاندىق دارىگەر ۇشىپ بارعان. ولار ءبىر اپتا بويى پاتسيەنتتەرگە كەڭەس بەرىپ، پراكتيكالىق كومەك كورسەتەدى، سونداي-اق اۋعاندىق مەديكتەر ءۇشىن ماستەر-كلاستار وتكىزەدى.
ۇكىمەتتىڭ مالىمەتىنشە، قازاقستان ورتالىق ازيا ەلدەرىنىڭ اراسىندا اۋعانستانعا گۋمانيتارلىق كومەك جەتكىزەتىن ەڭ ءىرى مەملەكەت بولىپ قالا بەرەدى.
