2026 جىلعى فۋتبولدان الەم چەمپيوناتىندا وزبەكستان قۇراماسى فيفا-نىڭ لايۆ-رەيتينگىندە ەكى ساتىعا تومەندەدى، دەپ حابارلايدى “ادىرنا” ۇلتتىق پورتالى.
ەل قۇراماسى 58-ورىنعا ءتۇستى. كوماندانىڭ ەنشىسىندە قازىر 1432,84 ۇپاي بار.
فابيو كانناۆارو جاتتىقتىراتىن ۇجىم توپتىق كەزەڭدەگى ەكىنشى ماتچىندا پورتۋگاليادان 0:5 ەسەبىمەن جەڭىلىپ، 11,64 رەيتينگتىك ۇپايىنان ايىرىلدى.
بۇعان دەيىن K توبىنداعى العاشقى كەزدەسۋدە وزبەكستان كولۋمبياعا 1:3 ەسەبىمەن ەسە جىبەرىپ، تاعى 14,25 ۇپاي جوعالتقان ەدى. سونىڭ سالدارىنان كوماندا الەم چەمپيوناتىنداعى ەكى ماتچتان كەيىن جالپى 25 ۇپايدان استام جوعالتىپ، فيفا رەيتينگىندەگى ورنىن سەگىز ساتىعا تومەندەتتى.
وزبەكستان قۇراماسى توپتىق كەزەڭدەگى سوڭعى ويىنىن 28 ماۋسىم كۇنى كونگو قۇراماسىنا قارسى وتكىزەدى. كوماندانىڭ پلەي-وففقا شىعۋ مۇمكىندىگى ءالى دە ساقتالىپ وتىر.
