الماتى وبلىسىنىڭ كەگەن اۋدانىندا ورتەنگەن ەر ادامنىڭ ءمايىتى تابىلدى، دەپ حابارلايدى "ادىرنا" ۇلتتىق پورتالى.
قازا تاپقان ادامنىڭ الماتى قالاسى پوليتسياسىنىڭ 37 جاستاعى قىزمەتكەرى اسلان السەروۆ ەكەنى انىقتالدى.
الدىن الا مالىمەت بويىنشا، ءمايىت كوكپەك – كوكتال – كەگەن تاسجولىنىڭ ماڭىنان، كەگەن اسۋى اۋماعىندا تابىلعان. ونى مال ىزدەپ جۇرگەن جەرگىلىكتى تۇرعىن بايقاپ، پوليتسياعا حابارلاعان.
تەرگەۋ بارىسىندا مارقۇمنىڭ الماتى قالاسى اۋەزوۆ اۋداندىق پوليتسيا باسقارماسىندا اعا جەدەل ۋاكىل بولىپ قىزمەت اتقارعانى بەلگىلى بولدى. مايىتتە قاتتى تەرميالىق زاقىمدار بار. سونداي-اق وڭ قولىنان كۇيىپ قالعان ارقاننىڭ قالدىقتارى تابىلعان.
تەرگەۋشىلەردىڭ بولجامىنشا، قىلمىس الماتى قالاسىنداعى وتباسىلىق پاتەردە جاسالىپ، كەيىن ءىزدى جاسىرۋ ماقساتىندا ءمايىت كەگەن اۋدانىنا جەتكىزىلگەن بولۋى مۇمكىن.
قازىرگى ۋاقىتتا مارقۇمنىڭ بۇرىن پوليتسيا قىزمەتكەرى بولعان جۇبايىنىڭ ىسكە قاتىسى بار-جوعى تەكسەرىلىپ جاتىر. ءىس بويىنشا 14 جاستاعى ۇلى كۋاگەر بولۋى مۇمكىن دەگەن بولجام بار.
باستاپقىدا قىلمىستىق ءىس «ادام ءولتىرۋ» بابى بويىنشا تىركەلگەن. كەيىن ءىس اۋىرلاۋ باپ بويىنشا قايتا سارالانعان. قازىر تەرگەۋ امالدارى جۇرگىزىلىپ، وقيعانىڭ بارلىق ءمان-جايى انىقتالۋدا.
