Almaty oblysynyŋ Kegen audanynda örtengen er adamnyŋ mäiıtı tabyldy, dep habarlaidy "Adyrna" ūlttyq portaly.
Qaza tapqan adamnyŋ Almaty qalasy polisiiasynyŋ 37 jastaǧy qyzmetkerı Aslan Älserov ekenı anyqtaldy.
Aldyn ala mälımet boiynşa, mäiıt Kökpek – Köktal – Kegen tasjolynyŋ maŋynan, Kegen asuy aumaǧynda tabylǧan. Ony mal ızdep jürgen jergılıktı tūrǧyn baiqap, polisiiaǧa habarlaǧan.
Tergeu barysynda marqūmnyŋ Almaty qalasy Äuezov audandyq polisiia basqarmasynda aǧa jedel uäkıl bolyp qyzmet atqarǧany belgılı boldy. Mäiıtte qatty termiialyq zaqymdar bar. Sondai-aq oŋ qolynan küiıp qalǧan arqannyŋ qaldyqtary tabylǧan.
Tergeuşılerdıŋ boljamynşa, qylmys Almaty qalasyndaǧy otbasylyq päterde jasalyp, keiın ızdı jasyru maqsatynda mäiıt Kegen audanyna jetkızılgen boluy mümkın.
Qazırgı uaqytta marqūmnyŋ būryn polisiia qyzmetkerı bolǧan jūbaiynyŋ ıske qatysy bar-joǧy tekserılıp jatyr. Is boiynşa 14 jastaǧy ūly kuäger boluy mümkın degen boljam bar.
Bastapqyda qylmystyq ıs «Adam öltıru» baby boiynşa tırkelgen. Keiın ıs auyrlau bap boiynşa qaita saralanǧan. Qazır tergeu amaldary jürgızılıp, oqiǧanyŋ barlyq män-jaiy anyqtaluda.
