استانادا سۋبۇرقاققا شومىلعاندار ايىپپۇل تولەيدى. بۇل تۋرالى تۋرالى ەسىل اۋدانىنىڭ پوليتسيا باسقارماسى مالىمدەدى، دەپ حابارلايدى "ادىرنا".
استاناداعى بوتانيكالىق باقتىڭ سۋبۇرقاقتارىنا شومىلعان بالالاردىڭ اتا-انالارى اكىمشىلىك جاۋاپكەرشىلىككە تارتىلا باستادى. ءجيى ەسكەرتۋ جاسالىپ جاتسا دا، كەيبىر ەرەسەكتەر بالالارىنىڭ سۋبۇرقاق سۋىنا تۇسۋىنە تىيىم سالمايدى. مۇنداي جاعدايدا پوليتسەيلەر كامەلەتكە تولماعانداردىڭ قاۋىپسىزدىگىن قامتاماسىز ەتۋ مىندەتىن ورىنداماعانى ءۇشىن اتا-انالارعا قاتىستى اكىمشىلىك حاتتاما تولتىرادى.
ءتارتىپ ساقشىلارىنىڭ سوزىنشە، سۋبۇرقاقتار تۇرعان جەردە بالالاردى توق سوعىپ، ءتۇرلى ينفەكتسيا جۇعۋى مۇمكىن.
"اتا-انالاردى قاۋىپسىزدىك شارالارىن قاتاڭ ساقتاپ، بالالاردى قاراۋسىز قالدىرماۋعا، سونداي-اق ولاردىڭ سۋبۇرقاقتار مەن شومىلۋعا ارنالماعان باسقا دا ورىنداردا سۋعا تۇسۋىنە جول بەرمەۋگە شاقىرامىز", – دەپ اتاپ ءوتتى ەسىل اۋداندىق پوليتسيا باسقارماسى.
