قازاقستاننىڭ ءسىم ەل اۋماعىندا ءۇشىنشى ەلدەردەن كەلگەن ميگرانتتاردى ورنالاستىرۋ ماسەلەسىن تالدادى، دەپ حابارلايدى “ادىرنا” ۇلتتىق پورتالى.
ۆەدومستۆونىڭ رەسمي وكىلى ەرلان جەتىباەۆتىڭ مالىمدەۋىنشە، قازاقستان مەن ەۋروپالىق وداق نەمەسە وعان مۇشە مەملەكەتتەر اراسىندا قازاقستان اۋماعىندا شەتەلدىك ازاماتتاردى قابىلداۋ، ورنالاستىرۋ، ۇستاۋ نەمەسە ترانزيتتىك وتكىزۋ ورتالىقتارىن قۇرۋ ماسەلەسى بويىنشا ەشقانداي كەلىسسوزدەر بولعان جوق.
سونداي-اق ءسىم وكىلى قازاقستان ازاماتتارى ءۇشىن ۆيزالىق رەجيمدى جەڭىلدەتۋ ماسەلەسى مەن رەادميسسيا ماسەلەسى ءبىر-بىرىنەن بولەك قاراستىرىلاتىنىن اتاپ ءوتتى.
«ۆيزالىق رەجيمدى جەڭىلدەتۋ جونىندەگى ىقتيمال تالقىلاۋلار قازاقستان اۋماعىندا وزگە مەملەكەت ازاماتتارىن ورنالاستىرۋ جونىندە قانداي دا ءبىر مىندەتتەمەلەر قابىلداۋعا نەگىز بولا المايدى»، – دەدى ەرلان جەتىباەۆ.
ەسكە سالايىق، بۇعان دەيىن بىرقاتار باق-تا قازاقستان مەن وزبەكستاندا ميگرانتتارعا ارنالعان ورتالىقتار اشىلۋى مۇمكىن دەگەن اقپارات تاراعان.
