Qazaqstannyŋ SIM el aumaǧynda üşınşı elderden kelgen migranttardy ornalastyru mäselesın taldady, dep habarlaidy “Adyrna” ūlttyq portaly.
Vedomstvonyŋ resmi ökılı Erlan Jetıbaevtyŋ mälımdeuınşe, Qazaqstan men Europalyq Odaq nemese oǧan müşe memleketter arasynda Qazaqstan aumaǧynda şeteldık azamattardy qabyldau, ornalastyru, ūstau nemese tranzittık ötkızu ortalyqtaryn qūru mäselesı boiynşa eşqandai kelıssözder bolǧan joq.
Sondai-aq SIM ökılı Qazaqstan azamattary üşın vizalyq rejimdı jeŋıldetu mäselesı men readmissiia mäselesı bır-bırınen bölek qarastyrylatynyn atap öttı.
«Vizalyq rejimdı jeŋıldetu jönındegı yqtimal talqylaular Qazaqstan aumaǧynda özge memleket azamattaryn ornalastyru jönınde qandai da bır mındettemeler qabyldauǧa negız bola almaidy», – dedı Erlan Jetıbaev.
Eske salaiyq, būǧan deiın bırqatar BAQ-ta Qazaqstan men Özbekstanda migranttarǧa arnalǧan ortalyqtar aşyluy mümkın degen aqparat taraǧan.
