قىتاي استاناسى بەيجىڭدەگى ەڭ بيىك عيمارات – CITIC Tower كەشەنىنە شاعىن ۇشاق سوعىلدى، دەپ حابارلايدى "ادىرنا" ۇلتتىق پورتالى.
وقيعا 26 ماۋسىم كۇنى تۇسكى ۋاقىتتا بولعان.
الدىن الا مالىمەت بويىنشا، 109 قاباتتى، بيىكتىگى 528 مەتر بولاتىن عيماراتقا Sunward SA60L Aurora ماركالى جەڭىل سپورتتىق ۇشاق سوعىلعان. وقيعا كۋاگەرلەرى تۇسىرگەن بەينەجازبالاردا ۇشاق سىنىقتارىنىڭ جەرگە قۇلاپ جاتقانىن كورۋگە بولادى.
وقيعادان كەيىن عيماراتتان ادامدار شۇعىل ەۆاكۋاتسيالانىپ، اۋماققا ءورت ءسوندىرۋ قىزمەتى، پوليتسيا جانە جەدەل جاردەم بريگادالارى جۇمىلدىرىلدى. سوققى سالدارىنان كوشەگە عيماراتتىڭ قاپتاما بولىكتەرى مەن ۇشاقتىڭ بولشەكتەرى قۇلاعان. كۋاگەرلەردىڭ ايتۋىنشا، باسىنان جاراقات العان ايەل جەدەل جاردەم كولىگىمەن اۋرۋحاناعا جەتكىزىلگەن.
پوليتسيا وقيعا ورنىنا باراتىن جولداردىڭ ءبىر بولىگىن جاۋىپ، اۋماققا كىرۋدى شەكتەدى. سونداي-اق ءتارتىپ ساقشىلارى ءوتىپ بارا جاتقان ادامدارعا وقيعا ورنىندا فوتو جانە ۆيدەو تۇسىرۋگە رۇقسات بەرمەي جاتىر.
قازىرگى ۋاقىتتا وقيعانىڭ ناقتى سەبەپتەرى مەن زارداپتارى انىقتالىپ جاتىر.
