ارمەنيا پرەمەر-ءمينيسترى ءيزرايلدىڭ 1915 جىلعى وقيعالاردى «ارميان گەنوتسيدى» رەتىندە رەسمي تانۋ تۋرالى شەشىمىنە قاتىستى جاۋاپ بەرۋدىڭ قاجەتى جوق ەكەنىن ايتتى، دەپ حابارلايدى "ادىرنا".
بۇل تۋرالى ول «ازاماتتىق كەلىسىم» پارتياسى باسقارماسىنىڭ وتىرىسىنان كەيىن جۋرناليستەرگە بەرگەن سۇحباتىندا ايتتى.
ء«بىز بۇل ماسەلەگە جاۋاپ قايتارۋدىڭ قاجەتى جوق دەپ ەسەپتەيمىز. ويتكەنى ارميان گەنوتسيدى تاقىرىبىن ساياسي قۇرال رەتىندە پايدالانۋعا ارالاسپاۋ ارمەنيا رەسپۋبليكاسىنىڭ ۇلتتىق مۇددەسىنە ساي كەلەدى»، – دەدى نيكول پاشينيان.
ەسكە سالايىق، 28 ماۋسىمدا يزرايل ۇكىمەتى سىرتقى ىستەر ءمينيسترى گيدەون ساار ۇسىنعان 1915 جىلعى وقيعالاردى «ارميان گەنوتسيدى» رەتىندە رەسمي تانۋ تۋرالى ۇسىنىستى ءبىراۋىزدان ماقۇلدادى. يزرايل پرەمەر-ءمينيسترى بينيامين نەتانياحۋ دا بۇل شەشىمدى قولدايتىنىن مالىمدەگەن.
