پرەمەر-ءمينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ يزرايل مەملەكەتىنىڭ سىرتقى ىستەر ءمينيسترى ەلي كوەنمەن تەلەفون ارقىلى سويلەستى، دەپ حابارلايدى «ادىرنا» ءتىلشىسى.
سۇحبات بارىسىندا تاراپتار ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ەكىجاقتى قارىم-قاتىناستاردىڭ ۇدەمەلى سيپاتىن اتاپ ءوتتى. يزرايل سىرتقى ىستەر ءمينيسترى تاياۋ شىعىستاعى يزرايل مەن پالەستينالىق حاماس قوزعالىسى اراسىنداعى قاقتىعىس اياسىنداعى قازىرگى جاعدايمەن تانىستىردى.
مۇرات نۇرتىلەۋ قاقتىعىستىڭ شيەلەنىسۋىنە جانە اسكەري ءىس-قيمىل ايماعىنداعى جاعدايدىڭ ورشۋىنە الاڭداۋشىلىق ءبىلدىردى. مينيستر قازىرگى قاقتىعىسقا قاتىستى قازاقستاننىڭ ۇستانىمىن جەتكىزدى. باسقارما باسشىسى قاقتىعىسۋشى تاراپتاردى تاياۋ شىعىستا بەيبىتشىلىك پەن تۇراقتىلىقتىڭ جولدارىن ىزدەۋگە شاقىردى. بۇل ماسەلەنىڭ بۇكىل الەم قاۋىمداستىعى ءۇشىن جاھاندىق ماڭىزى بار ەكەنىنە نازار اۋداردى.
وسى تۇرعىدا قازاقستاندىق ديپلومات پرەزيدەنت قاسىم-جومارت توقاەۆتىڭ تمد سامميتىندەگى مالىمدەمەسىن اتاپ ءوتىپ، جاعدايدىڭ شيەلەنىسۋى تەك تاياۋ شىعىستا عانا ەمەس، جالپى الەمدە اۋىر زارداپتارعا اكەلۋى مۇمكىن ەكەنىن باسا ايتتى. وسىعان بايلانىستى قازاقستان يزرايل-پالەستينا شيەلەنىسىن بەيبىت كەلىسسوزدەر مەن ديپلوماتيالىق ديالوگ ارقىلى شەشۋگە بەيىلدى.
مۇرات نۇرتىلەۋ يزرايلدىك ارىپتەسىنە گازا سەكتورىنداعى قازاقستان ازاماتتارىن ەۆاكۋاتسيالاۋعا جاردەمدەسۋ تۋرالى سەنىمدى ءوتىنىش ءبىلدىرىپ، بۇل مىندەتتىڭ ەلىمىز ءۇشىن ءبىرىنشى كەزەكتەگى باسىمدىق ەكەنىن اتاپ ءوتتى. ول سونداي-اق ەلي كوەندى قازاقستاندىقتاردىڭ وتانىمىزعا تەزىرەك ورالۋى بويىنشا مىسىر بيلىگىمەن جۇرگىزىلىپ جاتقان جۇمىس بارىسى تۋرالى حاباردار ەتتى. مينيستر ەلي كوەن بەرىلگەن اقپارات ءۇشىن ارىپتەسىنە العىس ايتىپ، يزرايل تاراپى قازاقستان ازاماتتارىن ەۆاكۋاتسيالاۋ ماسەلەسىن شەشۋگە بار كۇش-جىگەرىن سالاتىنىنا جانە بۇل ماسەلەنى ءوزىنىڭ جەكە باقىلاۋعا الاتىندىعىن جەتكىزدى.
