وزبەكستاندا جۇرگىزىلگەن حالىق ساناعىنىڭ الدىن الا قورىتىندىسى بويىنشا، ەلدەگى قازاقتاردىڭ سانى 707 330 ادامدى قۇرادى، دەپ حابارلايدى "ادىرنا" ۇلتتىق پورتالى.
بۇل رەسپۋبليكا حالقىنىڭ 1,81% قۇرايدى.
الدىن الا مالىمەتتەرگە سايكەس، 2026 جىلدىڭ 15 قاڭتارىنداعى جاعداي بويىنشا وزبەكستان حالقىنىڭ جالپى سانى 39 ملن 47 مىڭ 321 ادامعا جەتكەن. بۇل بۇرىنعى ستاتيستيكالىق ەسەپتەردەن 810,6 مىڭ ادامعا نەمەسە 2,1%-عا كوپ.
ۇلتتىق قۇرامى بويىنشا وزبەكتەر باسىمدىققا يە. ولاردىڭ سانى 34,9 ملن ادامدى نەمەسە حالىقتىڭ 89,4% قۇرايدى. بۇدان كەيىن تاجىكتەر 1,28 ملن (3,27%), قاراقالپاقتار 841,4 مىڭ (2,15%), قازاقتار 707,3 مىڭ (1,81%) جانە ورىستار 606,5 مىڭ (1,55%) ورنالاسقان.
سونداي-اق ەلدە 219,1 مىڭ قىرعىز (0,56%) جانە 194,8 مىڭ تۇرىكمەن (0,5%) تۇرادى. وزگە ەتنوس وكىلدەرىنىڭ جالپى سانى 300 مىڭنان اسادى.
حالىق ساناعىنىڭ الدىن الا ناتيجەلەرى بويىنشا، وزبەكستان حالقىنىڭ 21,3 ميلليونى قالالاردا، ال 17,8 ميلليونى اۋىلدىق جەرلەردە تۇرادى.
ايتا كەتەيىك، بۇعان دەيىن رەسمي دەرەكتەردە 2021 جىلدىڭ باسىنداعى جاعداي بويىنشا وزبەكستاندا 800 مىڭنان استام قازاق تۇرعىندار تۇراتىنى حابارلانعان.
