Özbekstanda jürgızılgen halyq sanaǧynyŋ aldyn ala qorytyndysy boiynşa, eldegı qazaqtardyŋ sany 707 330 adamdy qūrady, dep habarlaidy "Adyrna" ūlttyq portaly.
Būl respublika halqynyŋ 1,81% qūraidy.
Aldyn ala mälımetterge säikes, 2026 jyldyŋ 15 qaŋtaryndaǧy jaǧdai boiynşa Özbekstan halqynyŋ jalpy sany 39 mln 47 myŋ 321 adamǧa jetken. Būl būrynǧy statistikalyq esepterden 810,6 myŋ adamǧa nemese 2,1%-ǧa köp.
Ūlttyq qūramy boiynşa özbekter basymdyqqa ie. Olardyŋ sany 34,9 mln adamdy nemese halyqtyŋ 89,4% qūraidy. Būdan keiın täjıkter 1,28 mln (3,27%), qaraqalpaqtar 841,4 myŋ (2,15%), qazaqtar 707,3 myŋ (1,81%) jäne orystar 606,5 myŋ (1,55%) ornalasqan.
Sondai-aq elde 219,1 myŋ qyrǧyz (0,56%) jäne 194,8 myŋ türıkmen (0,5%) tūrady. Özge etnos ökılderınıŋ jalpy sany 300 myŋnan asady.
Halyq sanaǧynyŋ aldyn ala nätijelerı boiynşa, Özbekstan halqynyŋ 21,3 milliony qalalarda, al 17,8 milliony auyldyq jerlerde tūrady.
Aita keteiık, būǧan deiın resmi derekterde 2021 jyldyŋ basyndaǧy jaǧdai boiynşa Özbekstanda 800 myŋnan astam qazaq tūrǧyndar tūratyny habarlanǧan.
