Ötken aptada IIM kriminaldyq polisiia departamentınıŋ qyzmetkerlerı körşıles memleketterde ızdeude jürgen qylmyskerlerdı ūstady. Būl turaly QR IIM kriminaldyq polisiia departamentınıŋ bastyǧy Qanat Nūrmaǧambetov aitty, dep habarlaidy “Adyrna” ūlttyq portaly.
Onyŋ aituynşa, Resei Federasiiasynyŋ Samara qalasynda 2023 jyldyŋ säuırınde özınıŋ tanysyn öltırgen Täjıkstan Respublikasynyŋ azamaty Türkıstan oblysynda ūstalǧan. Ol 2023 jyldyŋ qazanynan berı ızdeude bolǧan.
Sondai-aq, 2021-2023 jyldar aralyǧynda Taşkent oblysynda köppäterlı üilerdı jöndeu kezınde jalǧan qūjattardy ūsynu arqyly alaiaqtyq jolmen 180 mln 476 myŋ som qarajatyn iemdengen Özbekstan Respublikasynyŋ azamaty Almaty oblysy Qaskelendeūstaldy. Ol 2023 jyldyŋ qaraşasynan berı ızdeude bolǧan.
Būǧan qosa Bışkekte özınıŋ ögei qyzyn zorlaǧany üşın 47 jastaǧy Türkiia Respublikasynyŋ azamaty Almatydaūstaldy. Ol Qyrǧyz Respublikasynyŋ qūqyq qorǧau organdarymen ızdeude bolǧan.
Al Qyzylorda qalasynda 2022 jyly Resei Federasiiasynyŋ Sochi qalasynyŋ tūrǧynyn aldau arqyly 1 mln resei rublın alyp, öz qajettılıgıne jūmsap jıbergen Resei Federasiiasynyŋ 30 jastaǧy azamaty ūstaldy. Ol biylǧy säuırınen bastap ızdeude bolǧan.
“Qabyldanǧan şaralar nätijesınde IIM qyzmetkerlerı ızdeude jürgen 1495 qylmyskerdı ūstap, 1 myŋnan astam habar-oşarsyz ketken azamattyŋ jürgen jerlerın anyqtady”, – dedı Qanat Nūrmaǧambetov.
Sonymen bırge elımızdıŋ aumaǧynda şetelderde ızdeude jürgen 642 qylmysker ūstaldy.
Ūqsas jaŋalyqtar
