Úsh jylda Qazaqstannan basqa elderge 2,4 trıllıon teńgeden astam qarjy jóneltildi. LS aqparat kózi olardyń qaıda kóbirek aýdarǵanyn anyqtady, dep jazady "Adyrna" saıty.
Ulttyq banktiń málimetinshe, 2021 jyly aqsha aýdarymdarynyń kólemi 1 trıllıon teńgeden asty, 2020 jyly bul kórsetkish 787,7 mıllıard teńge, al 2019 jyly 655,2 mıllıard teńge deńgeıinde boldy. Sońǵy úsh jylda jalpy soma 2,4 trıllıon teńgeden astam somany qurady. Osy kezeńde aqsha aýdarymdarynyń kólemi 52,6%-ǵa ósti.
Aqshanyń basym bóligi Ózbekstanǵa ketken. Bul el buryn jetekshi oryn alǵan Reseıdi yǵystyryp tastady. Máselen, sońǵy bir jylda Ózbekstanǵa 298 mlrd teńgeden astam qarajat aýdarylǵan (úsh jylda + 114,4%). Odan keıingi orynda Túrkııa – 210,9 mlrd teńge (+126%) jáne Reseı – 177,2 mlrd teńge (-15,1%).
Sonymen qatar, osy kezeńdegi eń kóp ósim Armenııada tirkeldi, oǵan 33,6 mlrd teńge (+257,4%), Grýzııaǵa – 32,8 mlrd teńge (+180,3%) jáne Qyrǵyzstanǵa – 144,4 mlrd teńge (+65,6%) jóneltildi.
Aqsha aýdarymdarynyń kólemi týraly tolyǵyraq aqparat ınfografıkada berilgen.
Buǵan deıin prezıdent Qasym-Jomart Toqaev Ulttyq bankke Qarjy naryǵyn retteý jáne qarjylyq monıtorıng agenttikterimen birlesip, barlyq tranzakııalar men elden qarajatty negizsiz alyp jatqan tulǵalarǵa naqty monıtorıng, tekserý jáne baqylaýdy qamtamasyz etýdi tapsyrǵanyn jazǵan.
Sondaı-aq ol úkimetke zańsyz shyǵarylǵan aqshany elge qaıtarý boıynsha usynystar berýdi tapsyrdy.
"Adyrna" ulttyq portaly
