«قازسەلدەنقورعاۋ» مەملەكەتتىك مەكەمەسى 3–5 شىلدە ارالىعىندا الماتى، جامبىل جانە جەتىسۋ وبلىستارىنىڭ تاۋلى جانە تاۋ بوكتەرىندەگى اۋداندارىندا قاۋىپتى گيدرومەتەورولوگيالىق جاعداي قالىپتاسۋى مۇمكىن ەكەنىن ەسكەرتتى، دەپ حابارلايدى "ادىرنا".
مەكەمەنىڭ مالىمەتىنشە، اۋا تەمپەراتۋراسىنىڭ جوعارى بولۋى جانە الداعى كۇندەرى كۇتىلەتىن نوسەر جاۋىن-شاشىن سالدارىنان تاۋ بەتكەيلەرىنەن سۋ قارقىندى اعىپ، وزەندەردەگى سۋ دەڭگەيى كوتەرىلۋى ىقتيمال.
وسىعان بايلانىستى كوشكىن مەن سەل ءجۇرۋ قاۋپى ارتادى. قۇتقارۋشىلار ءوڭىر تۇرعىندارى مەن دەمالۋشىلارعا اۋا رايى بولجامىن مۇقيات قاداعالاپ، مۇمكىندىگىنشە تاۋلى ايماقتارعا بارماۋعا جانە قاۋىپسىزدىك تالاپتارىن ساقتاۋعا كەڭەس بەردى.
ايتا كەتەيىك، 3 شىلدەگە قاراعان ءتۇنى «قازسەلدەنقورعاۋ» الماتى وڭىرىندەگى مورەنالىق كولدەرگە جۇرگىزىلەتىن مونيتورينگتى كۇشەيتكەن بولاتىن.
