قارجىلىق مونيتورينگ اگەنتتى الماتى وبلىسى بويىنشا دەپارتامەنتى اگروونەركاسىپتىك كەشەندى قولداۋعا بولىنگەن بيۋدجەت قاراجاتىن اسا ءىرى كولەمدە جىمقىرۋ فاكتىسى بويىنشا قىلمىستىق ءىستى اياقتادى، دەپ حابارلايدى "ادىرنا".
تەرگەۋ امالدارىنا ساي، قىلمىستىق سحەمانى الماتى وبلىسى قاراساي اۋداندىق ءماسليحاتىنىڭ بۇرىنعى دەپۋتاتى ۇيىمداستىرعان. اۋىل شارۋاشىلىعى سالاسىنداعى تاجىريبەسى مەن مەملەكەتتىك سۋبسيديالاۋ تەتىكتەرىن جەتىك بىلە وتىرىپ، ول بيۋدجەت قاراجاتىن زاڭسىز الۋدىڭ تۇراقتى سحەماسىن قۇرعان.
سحەمانى ىسكە اسىرۋ ءۇشىن ۇيىمداستىرۋشى وزىنە باعىنىستى كاسىپورىندار مەن الماتى، جامبىل جانە تۇركىستان وبلىستارىندا تىركەلگەن 29 شارۋا قوجالىعىن پايدالانعان.
"ۋاكىلەتتى ورگاندارعا ونەركاسىپتىك تاڭقۋراي القاپتارىن وتىرعىزۋعا ارنالعان ەليتالىق تاڭقۋراي كوشەتتەرىن ساتىپ الۋ تۋرالى جالعان قۇجاتتار ۇسىنىلعان.
مالىمەتتەردىڭ انىقتىعىن راستاۋ ماقساتىندا جالعان ساتىپ الۋ-ساتۋ شارتتارى، قابىلداۋ-تاپسىرۋ اكتىلەرى، ەلەكتروندىق شوت-فاكتۋرالار جانە وتىرعىزۋ ماتەريالىن وندىرۋشىلەردى اتتەستاتتاۋ جونىندەگى قۇجاتتار راسىمدەلگەن.
الايدا كورسەتىلگەن كولەمدە كوشەتتەر ءىس جۇزىندە جەتكىزىلمەگەن. ال قۇجاتتاردا كورسەتىلگەن كەيبىر شارۋاشىلىقتاردىڭ ونەركاسىپتىك كولەمدە تاڭقۋراي وسىرۋگە ناقتى مۇمكىندىگى بولماعان.
ناتيجەسىندە بيۋدجەتتەن 2,6 ملرد تەڭگەدەن استام سۋبسيديا زاڭسىز الىنعان", – دەلىنگەن اگەنتتىك حابارلاماسىندا.
زاڭسىز الىنعان سۋبسيديانىڭ 491 ملن تەڭگەسى قور نارىعىندا وپەراتسيالار جۇرگىزۋگە باعىتتالعان. وسى ماقساتتا كۇدىكتىنىڭ جۇبايىنىڭ اتىنا بروكەرلىك شوت اشىلىپ، ول ارقىلى قازاقستاندىق جانە شەتەلدىك كومپانيالاردىڭ باعالى قاعازدارى ساتىپ الىنعان.
بۇدان بولەك، تاعى 400 ملن تەڭگە ۋاقىتشا قارجىلاي كومەك كورسەتۋ سىلتاۋىمەن "iSolutions Capital" ميكروقارجى ۇيىمىنا اۋدارىلعان. كەيىن بۇل قاراجات كۇدىكتى تاراپىنان كەزەڭ-كەزەڭىمەن قولما-قول اقشاعا اينالدىرىلعان.
سونداي-اق كۇدىكتى ۇرلانعان قاراجاتتىڭ 170 ملن تەڭگەسىن قوناەۆ قالاسىنداعى كازينودا قۇمار ويىندارعا جۇمساعان.
سوت سانكتسياسىمەن كۇدىكتىلەردىڭ 4 پاتەرىنە، 3 اۆتوكولىگىنە، جەكە تۇرعىن ۇيىنە جانە باعالى قاعازدارىنا تىيىم سالىندى.
ءۇش كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسى قولدانىلدى.
قىلمىستىق ءىس سوتقا جولداندى.
