Qarjylyq monitoring agenttı Almaty oblysy boiynşa departamentı agroönerkäsıptık keşendı qoldauǧa bölıngen biudjet qarajatyn asa ırı kölemde jymqyru faktısı boiynşa qylmystyq ıstı aiaqtady, dep habarlaidy "Adyrna".
Tergeu amaldaryna sai, qylmystyq shemany Almaty oblysy Qarasai audandyq mäslihatynyŋ būrynǧy deputaty ūiymdastyrǧan. Auyl şaruaşylyǧy salasyndaǧy täjıribesı men memlekettık subsidiialau tetıkterın jetık bıle otyryp, ol biudjet qarajatyn zaŋsyz aludyŋ tūraqty shemasyn qūrǧan.
Shemany ıske asyru üşın ūiymdastyruşy özıne baǧynysty käsıporyndar men Almaty, Jambyl jäne Türkıstan oblystarynda tırkelgen 29 şarua qojalyǧyn paidalanǧan.
"Uäkılettı organdarǧa önerkäsıptık taŋqurai alqaptaryn otyrǧyzuǧa arnalǧan elitalyq taŋqurai köşetterın satyp alu turaly jalǧan qūjattar ūsynylǧan.
Mälımetterdıŋ anyqtyǧyn rastau maqsatynda jalǧan satyp alu-satu şarttary, qabyldau-tapsyru aktılerı, elektrondyq şot-fakturalar jäne otyrǧyzu materialyn öndıruşılerdı attestattau jönındegı qūjattar räsımdelgen.
Alaida körsetılgen kölemde köşetter ıs jüzınde jetkızılmegen. Al qūjattarda körsetılgen keibır şaruaşylyqtardyŋ önerkäsıptık kölemde taŋqurai ösıruge naqty mümkındıgı bolmaǧan.
Nätijesınde biudjetten 2,6 mlrd teŋgeden astam subsidiia zaŋsyz alynǧan", – delıngen agenttık habarlamasynda.
Zaŋsyz alynǧan subsidiianyŋ 491 mln teŋgesı qor naryǧynda operasiialar jürgızuge baǧyttalǧan. Osy maqsatta küdıktınıŋ jūbaiynyŋ atyna brokerlık şot aşylyp, ol arqyly qazaqstandyq jäne şeteldık kompaniialardyŋ baǧaly qaǧazdary satyp alynǧan.
Būdan bölek, taǧy 400 mln teŋge uaqytşa qarjylai kömek körsetu syltauymen "iSolutions Capital" mikroqarjy ūiymyna audarylǧan. Keiın būl qarajat küdıktı tarapynan kezeŋ-kezeŋımen qolma-qol aqşaǧa ainaldyrylǧan.
Sondai-aq küdıktı ūrlanǧan qarajattyŋ 170 mln teŋgesın Qonaev qalasyndaǧy kazinoda qūmar oiyndarǧa jūmsaǧan.
Sot sanksiiasymen küdıktılerdıŋ 4 päterıne, 3 avtokölıgıne, jeke tūrǧyn üiıne jäne baǧaly qaǧazdaryna tyiym salyndy.
Üş küdıktıge qatysty qamauda ūstau türındegı būltartpau şarasy qoldanyldy.
Qylmystyq ıs sotqa joldandy.
