پاۆلودار وبلىسىنىڭ اكىمى اسايىن بايحانوۆ توي شىعىندارىنىڭ قوعامعا تۇسىرەتىن سالماعى تۋرالى ايتقان تۇرعىنعا جاۋاپ بەردى، دەپ حابارلايدى "ادىرنا" ءتىلشىسى Politico-عا سىلتەپ.
اكىم ماسەلەنى زاڭمەن عانا شەشۋ مۇمكىن ەمەس ەكەنىن ايتتى.
پاۆلودار باسشىسى Threads الەۋمەتتىك جەلىسىندە تۇرعىننىڭ جازعان ساۋالىنا جاۋاپ بەردى. جەلى قولدانۋشىسى جاز مەزگىلىندە توي-تومالاقتىڭ جيىلەپ، تابىسى تومەن وتباسىلار ءۇشىن بىرنەشە مەرەكەگە قاتىسۋ ەداۋىر قارجىلىق جۇككە اينالاتىنىن جەتكىزگەن. سونداي-اق ول تويداعى ىسىراپشىلىق پەن ورىنسىز باسەكەلەستىكتى سىنعا الىپ، بۇل باعىتتا زاڭنامالىق شارا قابىلداۋدى ۇسىنعان.
اكىمنىڭ ايتۋىنشا، توي شىعىندارىنىڭ اۋىرتپالىعى – قوعامدا ءجيى كوتەرىلەتىن وزەكتى ماسەلەلەردىڭ ءبىرى. ونىڭ سوزىنشە، كوپتەگەن وتباسى الەۋمەتتىك قىسىمنىڭ اسەرىنەن نەسيە الىپ، شامادان تىس شىعىنعا بارادى.
«ماسەلە بار ەكەنى راس. الايدا ونى تەك زاڭمەن شەشۋ ەكىتالاي. بۇل جەردە قوعامنىڭ كوزقاراسى، وتباسىنىڭ تاڭداۋى جانە ەكونوميكالىق جاعداي قاتار اسەر ەتەدى. زاڭ بەلگىلى ءبىر شەكتەردى عانا بەلگىلەي الادى، ال ىسىراپشىلىقتى ازايتۋدىڭ نەگىزگى جولى – قوعامدىق مادەنيەت پەن جەكە جاۋاپكەرشىلىكتى قالىپتاستىرۋ»، – دەدى اسايىن بايحانوۆ.
اكىم توي مادەنيەتىن وزگەرتۋ ءۇشىن زاڭنامالىق تەتىكتەرمەن قاتار قوعامداعى كوزقاراس پەن جاۋاپكەرشىلىكتىڭ دە ماڭىزدى ءرول اتقاراتىنىن اتاپ ءوتتى.
