4 شىلدەدە ۋكراينا پرەزيدەنتى ۆلاديمير زەلەنسكي اق ءۇي باسشىسى دونالد ترامپپەن تەلەفون ارقىلى سويلەستى، دەپ حابارلايدى «ادىرنا» ءتىلشىسى.
ول دونالد ترامپتى اقش تاۋەلسىزدىگىنىڭ 250 جىلدىعىمەن قۇتتىقتاعان.
اڭگىمەدەن كەيىن زەلەنسكي اقش-قا ۋكرايناعا كورسەتىپ وتىرعان قولداۋى ءۇشىن العىس ءبىلدىردى.
«امەريكانىڭ ءبىزدىڭ تاۋەلسىزدىگىمىزدى قورعاۋ جولىندا قولداۋ كورسەتىپ وتىرعانىن اسا جوعارى باعالايمىز»، – دەپ جازدى ول ءوزىنىڭ Telegram-ارناسىندا.
زەلەنسكيدىڭ ايتۋىنشا، تاراپتار سوعىستى اياقتاۋ ماسەلەسىن تالقىلاعان.
«بۇل سوعىستى اياقتاۋدىڭ ناقتى مۇمكىندىگى بار، ال امەريكانىڭ تاباندىلىعى شەشۋشى ءرول اتقارادى»، – دەدى ۋكراينا پرەزيدەنتى.
سونداي-اق ول تاراپتاردىڭ كەلىسسوزدەردى كەلەسى اپتادا انكارادا وتەتىن ناتو ءسامميتى بارىسىندا جەكە فورماتتا جالعاستىرۋعا كەلىسكەنىن مالىمدەدى.
بۇعان دەيىن رەسەي پرەزيدەنتى ۆلاديمير ءپۋتيننىڭ اق ءۇي باسشىسى دونالد ترامپمەن ۋكرايناداعى جاعداي تالقىلاعانىن جازعان ەدىك.
