قۇرىلتاي دەپۋتاتتىعىنا كانديداتتاردى ۇسىنۋ 2026 جىلعى 13 شىلدە ساعات 18:00-دە اياقتالدى، دەپ حابارلايدى "ادىرنا" ءتىلشىسى.
بۇل تۋرالى ورتالىق سايلاۋ كوميسسياسىنىڭ حاتشىسى شاۆحات وتەمىسوۆ مالىمدەدى.
ونىڭ ايتۋىنشا، ورتالىق سايلاۋ كوميسسياسىنا جەتى ساياسي پارتيانىڭ پارتيالىق تىزىمدەرى ۇسىنىلعان. اتاپ ايتقاندا، «اق جول» دەموكراتيالىق پارتياسى – 63, «اۋىل» پارتياسى – 69, «ادىلەت» ساياسي پارتياسى – 186, «بايتاق» جاسىلدار پارتياسى – 47, قازاقستان حالىق پارتياسى – 72, جالپىۇلتتىق سوتسيال-دەموكراتيالىق پارتياسى – 33 جانە Respublica پارتياسى 76 كانديدات ۇسىنعان.
وسىلايشا، پارتيالىق تىزىمدەرگە بارلىعى 546 كانديدات ەنگىزىلدى.
وسك مالىمەتىنشە، ۇسىنىلعان قۇجاتتار كانديداتتاردىڭ قازاقستان رەسپۋبليكاسى كونستيتۋتسياسى مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ تالاپتارىنا سايكەستىگىن تەكسەرۋ ءۇشىن ۋاكىلەتتى مەملەكەتتىك ورگاندارعا جولداندى.
پارتيالىق تىزىمدەردى تىركەۋ 2026 جىلعى 23 شىلدە ساعات 18:00-دە اياقتالادى.
