اقتاۋعا جاڭا حالىقارالىق ءفيلمنىڭ تۇسىرىلىمىنە كەلگەن الەمگە ايگىلى اكتەر دجەكي چان ماڭعىستاۋ وبلىسىنىڭ اكىمى نۇرداۋلەت قيلىبايمەن بىرگە قالا كوشەلەرىن ارالادى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە تاراعان بەينەجازباعا سايكەس، اكتەر كولىكتى ءوزى جۇرگىزۋگە نيەت ءبىلدىرىپ، رولگە وتىرعان. ال وبلىس اكىمى الدىڭعى ورىندىققا جايعاسقان. وسىلايشا ولار اقتاۋ قالاسىنىڭ كوشەلەرىمەن بىرگە ءجۇرىپ وتكەن.
ساپار بارىسىندا دجەكي چان قازاقتىڭ ۇلتتىق تاعامى – باۋىرساق پەن ءداستۇرلى سۋسىننان دا ءدام تاتتى.
بەلگىلى اكتەردىڭ قازاقستانعا كەلۋى حالىقارالىق «دوسپەحي بوگا 4: ۋلتيماتۋم» ەكشەن-ءفيلمىنىڭ تۇسىرىلىمىمەن بايلانىستى. جوبا قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن گونكونگتىڭ Billion Target ستۋدياسى، قىتايدىڭ China Film Group Corporation كومپانياسى جانە قازاقستاندىق ءSاlem Entertainment كومپانياسىنىڭ بىرلەسۋىمەن جۇزەگە اسىرىلىپ جاتىر.
ءفيلمنىڭ الەمدىك پروكاتى 2027 جىلدىڭ اقپان ايىنا جوسپارلانعان.
