قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ بۇرىنعى توراعاسى قامشىبەك تاشيەۆ 2027 جىلى وتەتىن پرەزيدەنت سايلاۋىنا قاتىسپايتىنىن ايتتى، دەپ حابارلايدى "ادىرنا" ۇلتتىق پورتالى.
ول سوڭعى ۋاقىتتا ءوزىنىڭ الداعى پرەزيدەنتتىك سايلاۋعا قاتىساتىنى تۋرالى ءتۇرلى قاۋەسەت تاراپ جاتقانىن ايتىپ، وسىعان بايلانىستى كوپشىلىككە ۇندەۋ جاسادى.
«مەن 2027 جىلعى پرەزيدەنت سايلاۋىنا قاتىسپايمىن. مۇنى بۇعان دەيىن دە بىرنەشە رەت ايتتىم. بۇگىن تاعى دا قايتالايمىن. مەنىڭ ۇستانىمىم وزگەرگەن جوق جانە وزگەرمەيدى»، – دەدى تاشيەۆ.
سونداي-اق ول الداعى سايلاۋدا قازىرگى پرەزيدەنت سادىر جاپاروۆتى تولىق قولدايتىنىن جەتكىزدى. تاشيەۆ مەملەكەتكە قىزمەت ەتۋدى ماقتان تۇتاتىنىن ايتىپ، ەل يگىلىگى ءۇشىن جۇمىسىن جالعاستىرا بەرەتىنىن اتاپ ءوتتى.
ۇندەۋىنىڭ سوڭىندا ول ازاماتتاردى ءوزىنىڭ اتىن پايدالانىپ جالعان اقپارات تاراتاتىن ادامدارعا سەنبەۋگە شاقىردى. ونىڭ ايتۋىنشا، مۇنداي ارەكەتتەر قوعامعا ىرىتكى سالىپ، ەل بىرلىگىن بۇزۋعا باعىتتالعان.
