Qyrǧyzstan ūlttyq qauıpsızdık memlekettık komitetınıŋ būrynǧy töraǧasy Qamşybek Taşiev 2027 jyly ötetın prezident sailauyna qatyspaitynyn aitty, dep habarlaidy "Adyrna" ūlttyq portaly.
Ol soŋǧy uaqytta özınıŋ aldaǧy prezidenttık sailauǧa qatysatyny turaly türlı qaueset tarap jatqanyn aityp, osyǧan bailanysty köpşılıkke ündeu jasady.
«Men 2027 jylǧy prezident sailauyna qatyspaimyn. Mūny būǧan deiın de bırneşe ret aittym. Bügın taǧy da qaitalaimyn. Menıŋ ūstanymym özgergen joq jäne özgermeidı», – dedı Taşiev.
Sondai-aq ol aldaǧy sailauda qazırgı prezident Sadyr Japarovty tolyq qoldaitynyn jetkızdı. Taşiev memleketke qyzmet etudı maqtan tūtatynyn aityp, el igılıgı üşın jūmysyn jalǧastyra beretının atap öttı.
Ündeuınıŋ soŋynda ol azamattardy özınıŋ atyn paidalanyp jalǧan aqparat taratatyn adamdarǧa senbeuge şaqyrdy. Onyŋ aituynşa, mūndai äreketter qoǧamǧa ırıtkı salyp, el bırlıgın būzuǧa baǧyttalǧan.
