امەريكالىق رەپەر ءارى پروديۋسەر كانە ۋەستتىڭ قازاقستاندا كونتسەرت وتكىزۋى مۇمكىن. بۇل جاڭالىقتى ءانشىنىڭ پروديۋسەرى دجوزەف كاررە ءوزىنىڭ Instagram پاراقشاسىندا جازدى، دەپ حابارلايدى “ادىرنا”.
الدىن الا دەرەك بويىنشا، كونتسەرت 14 تامىز كۇنى ساعات 21:00-دە الماتىنىڭ ورتالىق ستاديونىندا ءوتۋى مۇمكىن.
سونىمەن قاتار، جاريالانعان اقپاراتتا كونتسەرت بيلەتتەرى 20 شىلدەدەن باستاپ ساتىلىمعا شىعاتىنى حابارلانعان. ال Ticketon.kz سايتىندا بيلەت باعاسى 120 مىڭ تەڭگەدەن 350 مىڭ تەڭگەگە دەيىن بولاتىنى كورسەتىلىپ وتىر.
ايتا كەتەيىك، 2025 جىلدىڭ 10 تامىزىندا الماتىنىڭ ورتالىق ستاديونىندا الەمگە تانىمال جۇلدىز دجەننيفەر لوپەس ءان سالعان بولاتىن.
ودان سوڭ الماتىعا الەمدىك پوپ-مادەنيەت اڭىزدارىنا اينالعان توپ Backstreet Boys تا كەلگەن ەدى.
ۇقساس جاڭالىقتار
