سولتۇستىك قازاقستان وبلىسىنىڭ پوليتسەيلەرى 2022 جىلدان بەرى حالىقارالىق ىزدەۋدە جۇرگەن 30 جاستاعى قازاقستان رەسپۋبليكاسىنىڭ ازاماتىن تۇركيا رەسپۋبليكاسىندا ۇستادى. بۇل تۋرالى پوليتسيا دەپارتامەنتى جاريالادى، دەپ حابارلايدى "ادىرنا".
سولتۇستىك قازاقستان وبلىسى پوليتسيا دەپارتامەنتى كريمينالدىق پوليتسيا باسقارماسىنىڭ جانە قازاقستان رەسپۋبليكاسى ءىىم كريمينالدىق پوليتسيا دەپارتامەنتىنىڭ قىزمەتكەرلەرى جۇرگىزگەن بىرلەسكەن ءىس-شارالاردىڭ ناتيجەسىندە، قازاقستان رەسپۋبليكاسىنىڭ انتاليا قالاسىنداعى باس كونسۋلدىعىنىڭ قولداۋىمەن 2022 جىلدان بەرى حالىقارالىق ىزدەۋدە جۇرگەن 30 جاستاعى قازاقستان رەسپۋبليكاسىنىڭ ازاماتى ۇستالدى.
تەرگەۋ مالىمەتىنە سايكەس، كۇدىكتى 2021 جىلدىڭ تامىزى مەن قىركۇيەگى ارالىعىندا سىبايلاستارىمەن الدىن الا ءسوز بايلاسىپ، ازاماتتاردىڭ سەنىمىنە كىرىپ، 6 ميلليون تەڭگەدەن استام قاراجاتىن الاياقتىق جولمەن يەمدەنگەن.
16 شىلدەدە كۇدىكتى تۇركيا رەسپۋبليكاسىنان قازاقستان رەسپۋبليكاسىنا دەپورتاتسيالاندى. ونى ەلگە قايتارۋعا قازاقستان رەسپۋبليكاسىنىڭ انتاليا قالاسىنداعى باس كونسۋلدىعى مەن قازاقستان رەسپۋبليكاسى ىشكى ىستەر مينيسترلىگىنىڭ قىزمەتكەرلەرى ىقپال ەتتى.
