Soltüstık Qazaqstan oblysynyŋ poliseilerı 2022 jyldan berı halyqaralyq ızdeude jürgen 30 jastaǧy Qazaqstan Respublikasynyŋ azamatyn Türkiia Respublikasynda ūstady. Būl turaly polisiia departamentı jariialady, dep habarlaidy "Adyrna".
Soltüstık Qazaqstan oblysy polisiia departamentı kriminaldyq polisiia basqarmasynyŋ jäne Qazaqstan Respublikasy IIM Kriminaldyq polisiia departamentınıŋ qyzmetkerlerı jürgızgen bırlesken ıs-şaralardyŋ nätijesınde, Qazaqstan Respublikasynyŋ Antalia qalasyndaǧy Bas konsuldyǧynyŋ qoldauymen 2022 jyldan berı halyqaralyq ızdeude jürgen 30 jastaǧy Qazaqstan Respublikasynyŋ azamaty ūstaldy.
Tergeu mälımetıne säikes, küdıktı 2021 jyldyŋ tamyzy men qyrküiegı aralyǧynda sybailastarymen aldyn ala söz bailasyp, azamattardyŋ senımıne kırıp, 6 million teŋgeden astam qarajatyn alaiaqtyq jolmen iemdengen.
16 şıldede küdıktı Türkiia Respublikasynan Qazaqstan Respublikasyna deportasiialandy. Ony elge qaitaruǧa Qazaqstan Respublikasynyŋ Antalia qalasyndaǧy Bas konsuldyǧy men Qazaqstan Respublikasy Işkı ıster ministrlıgınıŋ qyzmetkerlerı yqpal ettı.
