Almaty qalalyq polisiia departamentı QazTAG aqparat agenttıgınıŋ bas redaktory Ämır Qasenovtıŋ ūstaluyna bailanysty tüsınıkteme berdı, dep habarlaidy «Adyrna» tılşısı.
PD mälımetınşe, redaksiia qyzmetkerlerıne qatysty sotqa deiıngı tergeu jekemenşık kompaniia ökılınıŋ jazbaşa aryzy negızınde bastalǧan. Aryzda olardyŋ ıskerlık müddelerı men bedelıne eleulı ziian keltırgen, körıneu jalǧan aqparatty bırneşe ret taratqany aitylǧan.
«Tergeu barysynda tergeu äreketterı qylmystyq-prosestık zaŋnama talaptaryna säikes kezeŋ-kezeŋımen jürgızıldı. Jinalǧan materialdardyŋ jiyntyǧyn, tergeu satysyn jäne zaŋda közdelgen negızderdı eskere otyryp, 23 jeltoqsanda QazTAG bas redaktory ūstaldy. Ol Astana qalalyq polisiia departamentınıŋ uaqytşa ūstau izoliatoryna qamaldy»,- delıngen habarlamada.
Eske salaiyq, 23 jeltoqsanda Ämır Qasenovtı Astananyŋ Esıl audandyq polisiiasy ūstaǧany belgılı boldy.
Būǧan deiın QazTAG Freedom Finance kompaniiasyndaǧy «alaiaqtyq shemalardan japa şekkender» turaly bırqatar maqala men beinematerial jariialaǧan edı. Keiın agenttıktıŋ üstınen kompaniia aryz tüsırgen. QazTAG basşylyǧy būl qylmystyq ıstı söz bostandyǧyna qysym körsetuge baǧyttalǧan qadam dep baǧalady.
11 jeltoqsanda Mädeniet jäne aqparat ministrı Aida Balaeva vedomstvo zaŋgerlerı basşylyǧy qylmystyq qudalauǧa ūşyraǧan QazTAG halyqaralyq aqparattyq agenttıgıne kömek körsetu joldaryn qarap jatqanyn habarlaǧan.
