Sätbaev qalasyndaǧy jaǧdai tūraqtandy. Būl turaly dep Qaraǧandy oblysy äkımdıgınıŋ baspasöz qyzmetı habarlady. Tünde bes jasar qyzdy ūrlady degen küdıkpen er adam qamauǧa alynǧannan keiın jappai tärtıpsızdık bastalǧan bolatyn.
"Qazırgı uaqytta qaladaǧy jaǧdai tynyştaldy, küdıktını poliseiler qamauǧa aldy. Tūrǧyndar tarady. Sätbaevqa oblys äkımı kettı. Qūqyq qorǧau organdary būl jaǧdaidy ädıl tergeuge bar küşın salady. Halyqtan türlı arandatuşylyqqa boi aldyrmaudy sūraimyz", - dep habarlady oblys äkımı baspasöz qyzmetınıŋ basşysy Marina Şapovalova.Ol sonymen qatar qalalyq polisiia ǧimaratynyŋ janynda avtokölıkterge ört qoiylǧanyn da aitty. Şyǧyn kölemı qazırşe belgısız. Eske sala keteiık, qalada 23-şı şılde künı keşke joǧalyp ketken bes jasar qyz beitanys erkektıŋ päterınen tabylǧannan keiın tärtıpsızdık bastalǧan bolatyn. Qyzdy poliseiler men erıktıler tünı boiy bükıl qaladan ızdedı. Bala tabylǧannan keiın küdıktı tūryp jatqan üidıŋ qasyna bır top adam jinalyp, küdıktını özderı jazalau üşın ony qoldaryna berudı talap ettı. Aşuǧa bulyqqan olar barlyq päterdıŋ esıgın qaǧyp şyqqan Aşuy taramaǧan adamdar qala äkımdıgınıŋ ǧimaratyna jinaldy. Sätbaev qalasyna Ūlttyq ūlan küşterı tartyldy. Qala bilıgı balanyŋ anasynyŋ janynda ekenın habarlap, tūrǧyndardy arandatuşylyqqa boi aldyrmauǧa şaqyrdy.
Foto ERNUR.KZ.
Ūqsas jaŋalyqtar
