Almaty qalasynda polisiia qyzmetkerlerı zaŋsyz satylǧan alkogol önımderın anyqtap, köleŋkelı ainalymǧa qarsy kezektı reid jürgızdı.
Atalǧan şara Profilaktika jyly aiasynda, sondai-aq Işkı ıster ministrı jariialaǧan «Polisiia – zaŋ men tärtıptıŋ qorǧauşysy» ūrany men «Uchaske» jedel-profilaktikalyq ıs-şarasy şeŋberınde ötkızıldı. Reid barysynda Türksıb audanynyŋ polisiia qyzmetkerlerı alkogol önımderınıŋ zaŋsyz satyluyn anyqtauǧa basymdyq berdı.
Tekseru jūmystary uchaskelık inspektorlar men jergılıktı tūrǧyndardan kelıp tüsken şaǧymdar negızınde jürgızıldı. Polisiia qyzmetkerlerı zaŋsyz sauda boluy mümkın degen bırqatar mekenjailardy qarap, tekseru barysynda tiıstı lisenziiasyz alkogol önımderın satu faktılerın anyqtady. Zaŋ talaptaryn būza otyryp satylǧan ışımdık önımderı tärkılenıp, satumen ainalysqan azamattarǧa qatysty äkımşılık hattamalar toltyryldy.
Is materialdary sotqa joldanyp, sot şeşımımen zaŋsyz ainalymnan alynǧan alkogol önımderın belgılengen tärtıppen joiu turaly qauly şyǧaryldy. Qūqyq qorǧau organdarynyŋ mälımetınşe, mūndai şaralar eŋ aldymen tūrǧyndardyŋ qauıpsızdıgın qamtamasyz etuge jäne qoǧamdyq tärtıptı saqtauǧa baǧyttalǧan.
Türksıb audandyq polisiia basqarmasynyŋ bastyǧy Duman Auhadievtıŋ aituynşa, alkogol önımderınıŋ köleŋkelı saudasy – qoǧamǧa tıkelei qauıp töndıretın faktorlardyŋ bırı.
«Zaŋsyz alkogol ainalymyna qarsy küres – profilaktikalyq jūmystyŋ negızgı baǧyttarynyŋ bırı. Būl tek baqylau nemese tekserıs emes, būl – adamdardyŋ densaulyǧy men qoǧamdyq qauıpsızdıgı mäselesı. Mūndai zaŋbūzuşylyqtarǧa jol bermeimız jäne ärbır derek boiynşa qataŋ şara qoldanamyz», – dedı ol.
Almaty qalasynyŋ polisiia departamentı tūrǧyndardy zaŋsyz alkogol önımderın satyp almauǧa jäne mūndai qūqyqbūzuşylyqtarǧa kuä bolǧan jaǧdaida tiıstı organdarǧa habarlauǧa şaqyrady. Zaŋsyz alkogol satu Qazaqstan Respublikasynyŋ zaŋnamasyna säikes äkımşılık jauapkerşılıkke äkeletını eskertıldı.
