Qoǧamdyq qauıpsızdık pen zaŋ üstemdıgın qamtamasyz etu – kez kelgen aimaqtyŋ äleumettık tūraqtylyǧy men damuynyŋ negızı. Qūqyq qorǧau organdarynyŋ mındetı – azamattardyŋ tynyştyǧyn saqtau, qūqyq būzuşylyqtyŋ aldyn alu jäne zaŋ būzǧandardy jauapkerşılıkke tartu arqyly tärtıptı nyǧaitu. 2025 jyldyŋ alǧaşqy alty aiynda Batys Qazaqstan oblysynda atalǧan baǧyttar boiynşa naqty nätijelerge qol jetkızıldı. Qylmys deŋgeiınıŋ tömendeuı, jol qozǧalysy erejelerınıŋ saqtaluyn baqylau, esırtkımen küres, internet-alaiaqtyqtyŋ aldyn alu jäne ekologiialyq zaŋbūzuşylyqtardy anyqtau – öŋırlık polisiianyŋ basty nazaryndaǧy jūmystar bolyp otyr.
Resmi derekterge süiensek, Batys Qazaqstan oblysynda 2025 jyldyŋ alǧaşqy alty aiynda qūqyq būzuşylyqtardyŋ bırqatar türı edäuır azaidy.
Oblystyq polisiia departamentınıŋ deregınşe, asa auyr qylmystar - 43,3%, ūrlyqtar - 20,6%, tonaular - 37,5%, mal ūrlyǧy - 25,6%, al ūialy telefon ūrlyǧy 34,3%-ǧa qysqarǧan.
Sonymen qatar auyr jäne asa auyr qylmystardyŋ aşylu deŋgeiı 79,9% bolsa, asa auyr qylmystardyŋ aşyluy 100%-dy qūrady. Būl - polisiianyŋ jedel ärı käsıbi jūmysynyŋ körsetkışı.
Jolda tärtıp küşeidı
Oblys aumaǧynda jol qozǧalysyn baqylau tūraqty türde jüzege asyrylady. 2025 jyldyŋ bırınşı jartysynda 125 myŋnan astam jol qozǧalysy erejesın būzu deregı tırkelıp, 115 myŋnan astam azamat jauapqa tartyldy. Onyŋ ışınde 740 jürgızuşı mas küiınde kölık basqarǧan. Būl – jol qauıpsızdıgın qamtamasyz etu maqsatynda baqylaudyŋ küşeitılgenın aiǧaqtaidy. Jol qozǧalysy qauıpsızdıgın qamtamasyz etu maqsatynda «Qauıpsız jol», «Avtobus», «Qūqyqtyq tärtıp» sekıldı jedel-profilaktikalyq ıs-şaralar tūraqty ötkızılıp, joǧary täuekel tobyna jatatyn jürgızuşılerge erekşe nazar audarylyp otyr.
Esırtkımen küres nätijesı: 20 kelıge juyq zat tärkılendı
Jyl basynan berı esırtkıge qatysty 131 qūqyq būzuşylyq tırkelıp, onyŋ 46-sy qylmystyq ıs retınde qaraldy. Zaŋsyz ainalymnan barlyǧy 19,8 kg esırtkı zaty tärkılendı. Sondai-aq «Qarasora-2025» jedel şarasy aiasynda 1 mausymnan berı 56 qūqyq būzuşylyq anyqtalyp, 15 kelıge juyq marihuana tärkılendı. Sonymen qatar jasöspırımder arasynda naşaqorlyqtyŋ aldyn alu maqsatynda mektepter men kolledjderde aqparattyq-tüsındıru şaralary keŋınen jürgızılude.
İnternet-alaiaqtyq - özektı mäsele
Zamanaui tehnologiialardyŋ damuy qylmystyŋ jaŋa türlerınıŋ köbeiuıne sebep boldy. Sonyŋ ışınde internet-alaiaqtyq – erekşe alaŋdauşylyq tudyratyn mäselelerdıŋ bırı. Öŋırde internet-alaiaqtyq sany alaŋdatarlyq deŋgeide qalyp otyr. Alty aida 227 derek tırkelıp, azamattarǧa 345 mln teŋge kölemınde şyǧyn keltırılgen. Polisiia alaiaqtyqtyŋ jaŋa türlerıne qarsy ügıt-nasihatty küşeitude: 71 myŋ tūrǧynmen tüsındıru jūmysy, 8 myŋ jadynama taratylyp, äleumettık jelı men BAQ arqyly 2700-den astam material jariialanǧan.
«Taza Qazaqstan»: 19 myŋnan astam qūqyqbūzuşylyq tırkeldı
2024 jyldyŋ 15 säuırınen bastap Batys Qazaqstanda «Taza Qazaqstan» ekologiialyq aksiiasy şeŋberınde 67 mobildık top jūmys ısteude. Osy uaqyt ışınde 19 115 qūqyqbūzuşylyq tırkelgen. Onyŋ ışınde:
•ÄQBtK 505-baby boiynşa (abattandyru erejesın būzu) – 8 872 jaǧdai
•ÄQBtK 434-2-baby boiynşa (qoǧamdyq oryndardy lastau) – 10 243 jaǧdai
Polisiia tarapynan aiyppūl salu jäne qūqyqtyq tüsındıru jūmystary jürgızılıp, tūrǧyndardyŋ ekologiialyq mädenietın köteru qolǧa alyndy.
Jasöspırımder arasyndaǧy qūqyqbūzuşylyqtyŋ aldyn alu
Kämeletke tolmaǧandar arasynda qūqyqbūzuşylyqtyŋ aldyn alu maqsatynda 4500-den astam qūqyqtyq därıs, 3000-nan astam mekteptegı kezdesu, 1267 media material jariialandy.
Jazǧy demalys lagerlerınde balalarmen qūqyqtyq sauattylyqty arttyru boiynşa kezdesuler ötkızıldı. Bügınde oblysta 146 deviantty mınez-qūlyqty jasöspırım, 145 qolaisyz otbasy profilaktikalyq esepte tūr. Olardyŋ barlyǧyna qūqyqtyq keŋes berılıp, baqylau küşeitılgen.
BQO Polisiia departamentı qūqyq būzuşylyqtyŋ aldyn alu, qoǧamdyq tärtıptı saqtau, tūrǧyndardyŋ qauıpsızdıgın qamtamasyz etu baǧytyndaǧy jūmystardy jalǧastyra bermek.
Tärtıp saqşylary oblys tūrǧyndaryn zaŋǧa baǧynuǧa, öz qauıpsızdıkterıne bei-jai qaramauǧa jäne qūqyq qorǧau organdarymen belsendı bailanysta boluǧa şaqyrady. Qauıpsızärı tūraqty orta – är azamattyŋ sanaly äreketı men ortaq jauapkerşılıgınıŋ jemısı.
