Osy jyldyŋ qazan aiynda tanysyn öltırıp, qylmys ızın jasyru üşın denesın örtep jıbergen 22 jäne 33 jastaǧy ekı er adamdy ūstady. Būl turaly Almaty qalalyq polisiia departamentı jariialady, dep habarlaidy “Adyrna” ūlttyq portaly.
Aqparatqa süiensek, kısı öltırgen küdıktıler ekı aiǧa juyq uaqyt özderı qazǧan jerge jasyrynyp jürgen.
"Arnaiy jedel-tergeu toby qūryldy. Künı keşe küdıktılerdıŋ tūrǧan jerı belgılı boldy: olar osy uaqyt boiy Almaty – Astana tas jolynan 2 şaqyrym jerde ornalasqan oryndy qazyp, (3h1,3 m, biıktıgı 1,7 m) sol jerde jasyrynyp jürgen. Onda küdıktıler özderıne arnaiy baspana jasap, tamaqtanatyn oryn jasap qoiǧan. Olar özderınıŋ tanysyn öltırgenderın moiyndady. Küdıktıler qamauǧa alyndy», – dedı Almaty qalalyq PD kriminaldyq polisiia basqarmasynyŋ bastyǧy Quatbek Nauatov.
Qazaqstan Respublikasynyŋ Qylmystyq kodeksınıŋ 201-babyna säikes özge aqparat tergeu müddesıne orai jariia etılmeidı.
