Işkı ıster ministrlıgınde erlıkpen qaza tapqan qyzmetkerler men ardagerlerdıŋ esımı ūlyqtaldy, dep habarlaidy "Adyrna" ūlttyq portaly
Otan qorǧauşylar künı men Jeŋıs künı qarsaŋynda el amandyǧy üşın künı-tünı qyzmet etıp jürgen saqşylar men aibyndy ardagerlerge qūrmet körsetıldı. Jiyn barysynda IIM ministrı batyrlar erlıgın ūmytpau kerektıgın aitty.
"Otan qorǧauşylar men Jeŋıs künı – ruhy jaǧynan bır-bırın tolyqtyratyn, ūrpaqqa sabaq bolatyn qos tarihi künder. Keşegı jau oǧynan qorǧaǧan maidangerler, tyl eŋbekkerlerı jäne beibıt zaman batyrlarynyŋ erlıkterın ūmytpau – bızdıŋ qasterlı boryşymyz!" – dedı ışkı ıster ministrı Erjan Sadenov.
Merekelık şarada Ūly Otan soǧysynda erlık körsetken ardager Qūrmat Rahimov “Qūrmet” ordenımen marapattaldy. Eldı judan qorǧaǧan aqsaqal bügınde 100 jasqa tolyp otyr.
Odan bölek, Täuelsızdık jyldary qyzmet babynda ışkı ıster organdarynyŋ 800-den astam qyzmetkerı köz jūmǧany anyqtaldy. Sonyŋ bırı 1993 jyly polisiia ǧimaratyna jasalǧan qaruly şabuylǧa toitarys beru kezınde qaza tapqan Işkı ıster basqarmasynyŋ aǧa inspektory Anatolii Dobrynin. Sondai-aq janyndaǧy ärıptesı Serık Orazalin de erlık körsetken. Qos ofiserdıŋ äreketı joǧary baǧalanyp, memlekettık nagradalar batyrlardyŋ äuletıne tek 31 jyldan keiın jettı.
"Bız būl jūmysty jalǧastyramyz. Arhivterdı zerdeleimız. Erlıkterı baǧalanbai, köleŋkede qalyp qoiǧan batyrlardyŋ esımderın ūlyqtaityn bolamyz!" – dedı Erjan Sadenov.Ūqsas jaŋalyqtar
