Almatynyŋ Türksıb audanynda jaldamaly päterlerdıŋ bırınen 32 jastaǧy er adamnyŋ mäiıtı tabyldy. Poliseiler qylmysqa küdıktını bırneşe saǧat ışınde ūstap, uaqytşa ūstau izoliatoryna qamady. Būl turaly qalalyq polisiia departamentı mälımdedı, dep habarlaidy “Adyrna”.
Mälımetke säikes, Türksıb audanynda er adamnyŋ mäiıtı tabylǧany turaly habar tüskennen keiın oqiǧa ornyna jedel-tergeu toby barǧan.
Tärtıp saqşylary qysqa uaqyt ışınde marqūmnyŋ aralasqan adamdaryn anyqtap, küdıktıge şyqqan.
Tergeudıŋ aldyn ala nūsqasyna säikes, oqiǧa aldynda ekı er adam bırge ışımdık ışken. Keiın olardyŋ arasynda janjal tuyndaǧan.
Polisiianyŋ mälımetınşe, küdıktı janjal kezınde er adamǧa ölımge äkelgen dene jaraqattaryn salǧan.
Tergeu derekterıne säikes, küdıktı keiın qylmystyŋ ızın jasyruǧa äreket jasaǧan.
Ol mäiıttı azyq-tülık plenkasymen orap, basqa jerge alyp ketudı josparlaǧan. Alaida būl oiyn jüzege asyryp ülgermegen.
Polisiia qyzmetkerlerı mäiıt tabylǧannan keiın bırneşe saǧat ışınde küdıktını qolǧa tüsırgen.
Qazırgı uaqytta ol uaqytşa ūstau izoliatoryna qamaldy. Atalǧan faktı boiynşa sotqa deiıngı tergeu jürgızılıp jatyr.
