Foto: gov.kz
Almaty qalasynyŋ Arhitektura jäne qala qūrylysy basqarmasy qala aumaǧyndaǧy ǧimarattar syrtynda ornatylatyn syrtqy (vizualdy) jarnama obektılerın ornalastyru erejelerıne özgerıster engızu jobasyn äzırledı, dep habarlaidy "Adyrna".
Joba prezidenttıŋ tapsyrmalaryn oryndau maqsatynda, tūrǧyndarǧa yŋǧaily, qauıpsız jäne estetikalyq jaǧymdy qalalyq ortany qalyptastyruǧa, sondai-aq «Almaty – eşqaşan ūiyqtamaityn qala» konsepsiiasyn odan ärı damytu şeŋberınde äzırlengen.
Qūjat tūrǧyndardyŋ ömır süru jaǧdailaryn jaqsartuǧa jäne käsıpkerlık obektılerdıŋ täulık boiy jūmys ısteuın qamtamasyz etuge baǧyttalǧan.
Megapolisterdıŋ qazırgı damu tendensiialary qalalyq infraqūrylym sapasyn arttyrudy, arhitekturalyq ortadaǧy vizualdy üilesımdılıktı qamtamasyz etudı, bırtūtas dizain-kodty qalyptastyrudy jäne qala tūrǧyndary men qonaqtary üşın yŋǧaily jaǧdai jasau qajettıgın talap etedı.
Osyǧan bailanysty normativtık retteudı jetıldıru, qoldanystaǧy talaptardy qalalyq ortany tūraqty damytu mındetterıne säikestendıru qajet dep jobany äzırleuşıler atap körsetken.
Ūsynylyp otyrǧan özgerıster:
-
Qalalyq infraqūrylym obektılerıne qoiylatyn talaptardy retke keltıru;
-
Qala säulet beinesınıŋ estetikalyq tūtastyǧyn qamtamasyz etu;
-
Şaǧyn jäne orta biznes damuyna qolaily jaǧdai jasau;
-
Qalanyŋ investisiialyq tartymdylyǧyn arttyru;
-
Almatynyŋ dinamikalyq damyp kele jatqan megapolis retınde zamanaui jäne tanymal imidjın qalyptastyru.
Özgerısterdı qabyldau säikes salaǧa jüielı közqaraspen retteudı qamtamasyz etıp, qalalyq ortanyŋ sapasyn arttyruǧa jäne qalanyŋ tūraqty damuyn jalǧastyru üşın jaǧdai jasauǧa mümkındık beredı dep körsetılgen.
Joba «Aşyq NQA» portalynda 2026 jyldyŋ 10 säuırıne deiın qoǧamdyq talqylauǧa qoiylǧan.
Aita keteiık, soŋǧy künderı Almaty qalasynda jol apaty jiılep kettı. 21 nauryzǧa qaraǧan tünı şamamen saǧat 03:30 kezınde Äl-Farabi daŋǧyly boiynda 3 adam qaza tapqan kölık apaty oryn alǧan bolatyn.
