18 شىلدەدە قازاقستاننىڭ مەملەكەتتىك ورمان قورى اۋماعىندا ءۇش ورمان ءورتى تىركەلدى، دەپ حابارلايدى "ادىرنا" ءتىلشىسى.
بۇل تۋرالى ورمان شارۋاشىلىعى جانە جانۋارلار دۇنيەسى كوميتەتى حابارلاعان.
كوميتەت مالىمەتىنشە، ورتتەردىڭ ءبىرى اقمولا وبلىسىندا، ەكىنشىسى پاۆلودار وبلىسىنداعى «باياناۋىل» مەملەكەتتىك ۇلتتىق تابيعي پاركىندە، ءۇشىنشىسى شىعىس قازاقستان وبلىسىندا بولعان.
ءورت وشاقتارىن انىقتاۋ جانە ءسوندىرۋ جۇمىستارىنا مەملەكەتتىك ورمان كۇزەتى، «قازاۆياورمانقورعاۋ» رمك ماماندارى، سونداي-اق قاجەت بولعان جاعدايدا تجم بولىمشەلەرى جۇمىلدىرىلعان.
ۆەدومستۆونىڭ مالىمەتىنشە، قازىرگى ۋاقىتتا ورمان ورتتەرىن وقشاۋلاۋ جانە تولىق ءسوندىرۋ جۇمىستارى جالعاسىپ جاتىر. جاعداي تۇراقتى باقىلاۋدا.
ۇقساس جاڭالىقتار
