لەيبوريستىك پارتيانىڭ جاڭا جەتەكشىسى ەندي بەرنەم دۇيسەنبى كۇنى ۇلىبريتانيانىڭ پرەمەر-ءمينيسترى قىزمەتىنە رەسمي تۇردە كىرىسەدى، دەپ حابارلايدى "ادىرنا" ۇلتتىق پورتالى.
56 جاستاعى ساياساتكەر وتكەن جۇما كۇنى لەيبوريستىك پارتيانىڭ كوشباسشىسى بولىپ سايلانىپ، بۇل قىزمەتتە كير ستارمەردىڭ ورنىن باستى.
بيلىكتى تاپسىرۋ ءراسىمى اياسىندا بۇرىنعى پرەمەر-مينيستر كير ستارمەر بۋكينگەم سارايىندا كورول كارل III-پەن كەزدەسىپ، وتستاۆكاعا كەتۋ تۋرالى ءوتىنىشىن رەسمي تۇردە ۇسىنادى.
ودان كەيىن كورول ەندي بەرنەمدى قابىلداپ، وعان جاڭا ۇكىمەتتى قۇرۋدى تاپسىرادى. وسىلايشا بەرنەم كەلىسىمىن بەرىپ، ۇلىبريتانيانىڭ تاريحىنداعى 59-پرەمەر-مينيستر رەتىندە قىزمەتىنە رەسمي كىرىسەدى.
بۋكينگەم سارايىنان كەيىن ەندي بەرنەم داۋنينگ-ستريتكە بارىپ، پرەمەر-مينيستر رەتىندەگى العاشقى ۇندەۋىن جاسايدى.
BBC مالىمەتىنشە، ول ءوز سوزىندە ۇكىمەت جۇمىسىنىڭ نەگىزگى باسىمدىقتارىن جاريالايدى. سونىمەن قاتار سوڭعى جىلدارى ۇلىبريتانيادا پرەمەر-مينيسترلەردىڭ ءجيى اۋىسۋى ساياسي تۇراقتىلىققا اسەر ەتكەنىن اتاپ ءوتىپ، ەلگە تۇراقتىلىق پەن جاۋاپكەرشىلىك قاجەت ەكەنىن مالىمدەۋى كۇتىلەدى.
