«قوعامدىق كەلىسىم» كمم عيماراتىندا جاستار مەن بلوگەرلەردىڭ Jas Star Talks اتتى اشىق كەزدەسۋ الاڭى ۇيىمداستىرىلدى.
ءىس-شاراعا اقمولا وبلىسىنىڭ ىشكى ساياسات باسقارماسى باسشىسىنىڭ ورىنباسارى سابىرحان كەنجەباەۆ قاتىسىپ، جاستاردىڭ قوعامدىق ومىردەگى بەلسەندىلىگىن ارتتىرۋدىڭ ماڭىزىن اتاپ ءوتتى.كەزدەسۋ بارىسىندا تانىمال تيك-توك بلوگەر ەسكەندىر جانارتوۆ، «قىزىل جارتى اي» قوعامدىق بىرلەستىگىنىڭ وبلىستىق فيليالىنىڭ باسشىسى اسحات ۋايىسوۆ، «Esbol Qory» قورىنىڭ وڭىرلىك جەتەكشىسى دانيال جاعىپار، موبيلوگراف-فوتوگراف مەرۋەرت كوكەنوۆا، سونداي-اق جەدەل جاردەم فەلدشەرى ءارى بلوگەر جاناس اسىلبەكۇلى ءوز تاجىريبەلەرىمەن ءبولىستى.جيىندا تسيفرلاندىرۋ ۇدەرىسى، مەدياساۋاتتىلىق، الەۋمەتتىك جەلىدەگى جاۋاپكەرشىلىك جانە جاستاردىڭ قوعامداعى ءرولى كەڭىنەن ءسوز بولدى. قاتىسۋشىلار سپيكەرلەرگە سۇراق قويىپ، ءوزارا پىكىر الماستى.
مۇنداي مازمۇندى كەزدەسۋلەر جاستاردىڭ ازاماتتىق ۇستانىمىن نىعايتىپ، جاڭا باستامالاردىڭ جۇزەگە اسۋىنا سەرپىن بەرەتىنى ءسوزسىز.
