اقش يرانمەن سوعىسقا 37,5 ملرد دوللار جۇمساعان. بۇل تۋرالى 21 شىلدەدە ەلدىڭ قورعانىس ءمينيسترى پيت حەگسەت مالىمدەدى، دەپ حابارلايدى «ادىرنا» ءتىلشىسى Reuters-قا سىلتەمە جاساپ.
ونىڭ ايتۋىنشا، اتالعان سوما اسكەري شىعىنداردىڭ ءبىر بولىگىن جانە 30 قىركۇيەككە دەيىنگى بولجامدى شىعىنداردى قامتيدى. پەنتاگوننىڭ بۇل كورسەتكىشتى قالاي ەسەپتەگەنى ناقتىلانبادى.
حەگسەت پەن بىرىككەن شتاب باستىقتارى كوميتەتىنىڭ توراعاسى دەن كەين كونگرەستەن 87,6 ملرد دوللار كولەمىندە قوسىمشا قارجىلاندىرۋ سۇرادى. ونىڭ ىشىندە 67 ملرد دوللاردان استامى تىكەلەي يرانمەن سوعىسقا باعىتتالعان. 46 ملرد دوللار وق-ءدارى ساتىپ الۋعا جانە ولاردىڭ ءوندىرىسىن ۇلعايتۋعا، ال 21 ملرد دوللار اسكەري قىزمەتكەرلەردىڭ اقشالاي قامتاماسىز ەتىلۋىنە، جانارمايعا جانە تەحنيكانى جاڭارتۋعا جۇمسالماق.
Reuters اگەنتتىگىنىڭ دەرەككوزى ناۋرىز ايىندا سوعىستىڭ العاشقى التى كۇنىندەگى شىعىندى كەمىندە 11,3 ميلليارد دوللار دەپ باعالاعان ەدى.
