حالىقارالىق قىلمىستىق سوتقا مۇشە مەملەكەتتەر اسسامبلەياسى كوپشىلىك داۋىسپەن ۇيىمنىڭ باس پروكۋرورى كارىم حاندى قىزمەتىنەن بوساتۋ تۋرالى شەشىم قابىلدادى، دەپ حابارلايدى "ادىرنا" ۇلتتىق پورتالى.
بۇل تۋرالى بۇۇ حابارلاعان. مۇنداي جاعداي سوت تاريحىندا العاش رەت ورىن الدى.
پروكۋروردى قىزمەتىنەن بوساتۋ تۋرالى شەشىم 125 ەلدىڭ قاتىسۋىمەن وتكەن جابىق داۋىس بەرۋ بارىسىندا قابىلدانعان. وعان كارىم حانعا قاتىستى جۇرگىزىلگەن جىنىستىق سيپاتتاعى قىسىم كورسەتۋ ايىبى بويىنشا تەرگەۋ سەبەپ بولعان. اسسامبلەيا توراعاسىنىڭ حابارلاۋىنشا، مۇشە مەملەكەتتەردىڭ 82-ءسى كارىم حاننىڭ قىزمەتتىك مىندەتتەرىن ورەسكەل بۇزعانىن جانە اۋىر ءىس-ارەكەتتەرگە بارعانىن مويىنداپ، ونى قىزمەتتەن كەتىرۋدى قولداعان. تاۋەلسىز ساراپشىلاردىڭ ەسەبىندە دە بۇرىنعى پروكۋرور تاراپىنان ەلەۋلى زاڭبۇزۋشىلىقتارعا جول بەرىلگەنى راستالدى.
ال ەكس پروكۋرور وزىنە تاعىلعان ايىپپەن كەلىسپەيتىنىن ايتقان.
حالىقارالىق قىلمىستىق سوت اسسامبلەياسى جاقىن ارادا جاڭا باس پروكۋروردى سايلاۋ پروتسەسىن باستايدى.
