اقش پرەزيدەنتى دونالد ترامپ اق ۇيدە سويلەگەن سوزىندە ءوزىنىڭ پرەزيدەنتتىك قىزمەتى ءيزرايلدىڭ قاۋىپسىزدىگىن قامتاماسىز ەتۋدە ماڭىزدى ءرول اتقارعانىن ايتتى، دەپ حابارلايدى "ادىرنا" ۇلتتىق پورتالى.
RBC اقپاراتىنشا، ترامپ ءوزى بيلىككە كەلمەگەندە، ءيزرايلدىڭ ءومىر سۇرۋىنە قاۋىپ ءتونۋى مۇمكىن ەكەنىن ايتقان.
«ەگەر مەن پرەزيدەنت بولماعاندا، يزرايل دە بولماس ەدى. ءتىپتى تاياۋ شىعىس تا قازىرگى قالپىندا ساقتالماۋى مۇمكىن ەدى. ەگەر يراننىڭ قولىندا يادرولىق قارۋ بولعاندا، ونى مىندەتتى تۇردە قولدانار ەدى. مۇنداي جاعدايدا بۇگىن ءبىز بىلەتىن تاياۋ شىعىس تا، يزرايل دە بولماس ەدى»، – دەدى دونالد ترامپ.
اقش پرەزيدەنتى بۇل پىكىرىن بۇعان دەيىن دە بىرنەشە رەت ايتقان. ونىڭ سوزىنشە، ۆاشينگتوننىڭ يرانعا قاتىستى قابىلداعان شەشىمدەرى تەگەراننىڭ يزرايلگە قارسى اۋقىمدى شابۋىل جاساۋىنا جول بەرمەگەن.
