رەسەي پرەزيدەنتى ۆلاديمير پۋتين ەشقاشان ءوز اكىمشىلىگىنىڭ قىزمەتكەرلەرىنە قالالىق نەمەسە ۇيالى تەلەفون ارقىلى قوڭىراۋ شالمايدى. ول ارنايى بايلانىس جۇيەسىن پايدالانادى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ كرەمل پۋلىنىڭ ءجۋرناليسى الەكساندر يۋناشەۆقا بەرگەن سۇحباتىندا مالىمدەدى, دەپ حابارلايدى "ادىرنا".
پرەزيدەنت اكىمشىلىگىنىڭ قىزمەتكەرلەرى دەمالىستا جۇرگەن كەزدە ءپۋتيننىڭ قوڭىراۋىنا جاۋاپ بەرمەي قويۋىنا بولا ما دەگەن سۇراققا پەسكوۆ جاۋاپ بەردى.
«پرەزيدەنت ەشقاشان قالالىق نەمەسە ۇيالى تەلەفون ارقىلى حابارلاسپايدى. ول ارنايى بايلانىس جۇيەسىن پايدالانادى»، – دەپ جاۋاپ بەردى.
كرەمل وكىلى سونداي-اق پرەزيدەنت اكىمشىلىگى قىزمەتكەرلەرىندە دەمالىس كەزىندە، ادەتتە، ارنايى بايلانىس قۇرالدارى بولمايتىنىن اتاپ ءوتتى.
سونىمەن قاتار، پەسكوۆتىڭ ايتۋىنشا، پۋتين بيىلعى جازدا ءالى دەمالىسقا شىقپاعان، دەگەنمەن سوڭعى ۋاقىتتا اقپاراتتىق بەلسەندىلىگى ءبىرشاما تومەندەگەن. ءباسپاسوز حاتشىسى پرەزيدەنتتىڭ دەمالىسقا شىقپاۋى وزىنە دە اسەر ەتەتىنىن ايتىپ، ءوزىنىڭ دە پۋتين دەمالعان كەزدە عانا ەڭبەك دەمالىسىنا شىعاتىنىن جەتكىزدى.
