Resei prezidentı Vladimir Putin eşqaşan öz äkımşılıgınıŋ qyzmetkerlerıne qalalyq nemese ūialy telefon arqyly qoŋyrau şalmaidy. Ol arnaiy bailanys jüiesın paidalanady. Būl turaly Resei prezidentınıŋ baspasöz hatşysy Dmitrii Peskov Kreml pulynyŋ jurnalisı Aleksandr Iýnaşevqa bergen sūhbatynda mälımdedı, dep habarlaidy "Adyrna".
Prezident äkımşılıgınıŋ qyzmetkerlerı demalysta jürgen kezde Putinnıŋ qoŋyrauyna jauap bermei qoiuyna bola ma degen sūraqqa Peskov jauap berdı.
«Prezident eşqaşan qalalyq nemese ūialy telefon arqyly habarlaspaidy. Ol arnaiy bailanys jüiesın paidalanady», – dep jauap berdı.
Kreml ökılı sondai-aq prezident äkımşılıgı qyzmetkerlerınde demalys kezınde, ädette, arnaiy bailanys qūraldary bolmaitynyn atap öttı.
Sonymen qatar, Peskovtyŋ aituynşa, Putin biylǧy jazda älı demalysqa şyqpaǧan, degenmen soŋǧy uaqytta aqparattyq belsendılıgı bırşama tömendegen. Baspasöz hatşysy prezidenttıŋ demalysqa şyqpauy özıne de äser etetının aityp, özınıŋ de Putin demalǧan kezde ǧana eŋbek demalysyna şyǧatynyn jetkızdı.
