قىزىلوردا وبلىسىندا ءىز-ءتۇزسىز جوعالعان ازامات تۋرالى اقپارات بەلگىلى بولدى، دەپ حابارلايدى "ادىرنا" ۇلتتىق پورتالى.
ىزدەۋ بارىسىندا ەر ادامنىڭ ءمايىتى جايىلىم ماڭىنان تابىلدى.
وبلىستىق پوليتسيا دەپارتامەنتىنىڭ مالىمەتىنشە، حابارلاما تۇسكەن بويدا ىزدەستىرۋ جۇمىستارى ۇيىمداستىرىلىپ، وعان پوليتسيا قىزمەتكەرلەرىمەن قاتار توتەنشە جاعدايلار قىزمەتىنىڭ ماماندارى، ەرىكتىلەر جانە جەرگىلىكتى تۇرعىندار جۇمىلدىرىلعان.
ىزدەستىرۋ ناتيجەسىندە جوعالعان ازاماتتىڭ ءمايىتى جايىلىم اۋماعىنان باتىسقا قاراي شامامەن 800 مەتر جەردەن تابىلدى.
الدىن الا تەكسەرۋ بارىسىندا مايىتتەن زورلىق-زومبىلىق بەلگىلەرى انىقتالعان جوق. وقيعانىڭ بارلىق ءمان-جايىن انىقتاۋعا باعىتتالعان قاجەتتى پروتسەسسۋالدىق ءىس-شارالار جۇرگىزىلىپ جاتىر.
ۇقساس جاڭالىقتار
