ۇلىتاۋ وبلىسىنىڭ اكىمى ەسەت بايكەن جەزقازعان قالاسىنداعى بىرقاتار نىساندى ارالاپ، ءبىلىم بەرۋ ۇيىمدارىنىڭ جاڭا وقۋ جىلىنا دايىندىعىن قايتا تەكسەردى.
الدىمەن ءوڭىر باسشىسى كەڭگىر سۋ قويماسى اۋماعىن اباتتاندىرۋ جۇمىستارىنىڭ بارىسىمەن تانىستى.
سونداي-اق ءوڭىر باسشىسى №8 گيمنازيا مەن №4 جالپى ءبىلىم بەرەتىن مەكتەپتەگى كۇردەلى جوندەۋ جۇمىستارىنىڭ بارىسىن تەكسەردى. جۇمىستاردىڭ بەلگىلەنگەن كەستەدەن كەشىگۋىنە بايلانىستى وبلىس اكىمى جاۋاپتى تۇلعالارعا ەسكەرتۋ جاساپ، انىقتالعان كەمشىلىكتەردى ءبىر اپتا ىشىندە جويۋدى جانە اباتتاندىرۋ جۇمىستارىن اياقتاۋدى تاپسىردى.
بۇدان بولەك، وبلىس اكىمى №13 مەكتەپتەگى جوندەۋ جۇمىستارىنىڭ بارىسىن تەكسەرىپ، جۇمىسشىلار سانىن كوبەيتۋدى جانە قالالىق اكىمدىكپەن بىرلەسىپ اباتتاندىرۋ جۇمىستارىن جەدەلدەتۋدى تاپسىردى. ا جانە ا1 كورپۋستارىن جاڭا وقۋ جىلىنىڭ باستالۋىنا دەيىن وقۋشىلار ءۇشىن اشۋ جوسپارلانىپ وتىر.
سونىمەن قاتار ءوڭىر باسشىسى جىلۋ جەلىلەرىن جوندەۋ جانە «جاستار» ساياباعىن اباتتاندىرۋ جۇمىستارىنىڭ بارىسىمەن تانىسىپ، جۇمىستاردىڭ ساپالى ورىندالۋىن جانە بەلگىلەنگەن مەرزىمدە اياقتالۋىن قامتاماسىز ەتۋدى تاپسىردى.
