جامبىل وبلىسىنىڭ مەركى اۋدانىندا 19 جاستاعى قىزدىڭ قازاسىنان كەيىن ء«وز-وزىنە قول جۇمساۋعا دەيىن جەتكىزۋ» فاكتىسى بويىنشا سوتقا دەيىنگى تەرگەپ-تەكسەرۋ باستالدى، دەپ حابارلايدى «ادىرنا» ءتىلشىسى.
مارقۇمنىڭ قايتىس بولعانى تۋرالى اقپارات بۇعان دەيىن Threads الەۋمەتتىك جەلىسىندە جاريالانعان.
19 جاستاعى ءمادينا راشيدقىزى مەركى اۋدانىندا جۇبايىمەن بىرگە تۇرعان. جۇما مەن سەنبىگە قاراعان ءتۇنى ول اسىلىپ قالعان كۇيدە تابىلعان. مارقۇم وزبەكستان ازاماتى، ال كۇيەۋى قازاقستان ازاماتى بولعان. جازبا اۆتورىنىڭ ايتۋىنشا، ايەلدىڭ سەگىز ايلىق ءسابيى قالعان. قايعىلى وقيعاعا دەيىن ول قۇربىسىنا كۇيەۋىمەن بولعان جانجال تۋرالى ايتىپ بەرگەن. ۇرىس بالاعا ساتىپ الىنعان ءتاتتىنى ايەلدىڭ ءوزى جەپ قويعاننان كەيىن باستالعان.
قۇربىسىنىڭ ايتۋىنشا، ءمادينا بۇعان دەيىن ءوز تۋىستارىنان دا، كۇيەۋىنىڭ تۋىستارىنان دا كومەك سۇراعان، الايدا سوعان قاراماستان جۇبايىمەن بىرگە تۇرۋىن جالعاستىرعان.
پوليتسيا اتالعان ءولىم فاكتىسى بويىنشا ء«وز-وزىنە قول جۇمساۋعا دەيىن جەتكىزۋ» بابى بويىنشا تەرگەۋ باستالعانىن راستادى. قازىر وقيعانىڭ بارلىق ءمان-جايى انىقتالىپ جاتىر. ۆەدومستۆو ازىرگە باسقا مالىمەتتەردى جاريالاعان جوق.
