Jambyl oblysynyŋ Merkı audanynda 19 jastaǧy qyzdyŋ qazasynan keiın «öz-özıne qol jūmsauǧa deiın jetkızu» faktısı boiynşa sotqa deiıngı tergep-tekseru bastaldy, dep habarlaidy «Adyrna» tılşısı.
Marqūmnyŋ qaitys bolǧany turaly aqparat būǧan deiın Threads äleumettık jelısınde jariialanǧan.
19 jastaǧy Mädina Raşidqyzy Merkı audanynda jūbaiymen bırge tūrǧan. Jūma men senbıge qaraǧan tünı ol asylyp qalǧan küide tabylǧan. Marqūm Özbekstan azamaty, al küieuı Qazaqstan azamaty bolǧan. Jazba avtorynyŋ aituynşa, äieldıŋ segız ailyq säbiı qalǧan. Qaiǧyly oqiǧaǧa deiın ol qūrbysyna küieuımen bolǧan janjal turaly aityp bergen. Ūrys balaǧa satyp alynǧan tättını äieldıŋ özı jep qoiǧannan keiın bastalǧan.
Qūrbysynyŋ aituynşa, Mädina būǧan deiın öz tuystarynan da, küieuınıŋ tuystarynan da kömek sūraǧan, alaida soǧan qaramastan jūbaiymen bırge tūruyn jalǧastyrǧan.
Polisiia atalǧan ölım faktısı boiynşa «öz-özıne qol jūmsauǧa deiın jetkızu» baby boiynşa tergeu bastalǧanyn rastady. Qazır oqiǧanyŋ barlyq män-jaiy anyqtalyp jatyr. Vedomstvo äzırge basqa mälımetterdı jariialaǧan joq.
