ارمەنيا پرەمەر-ءمينيسترى نيكول پاشينيان ازەربايجانمەن اراداعى اۋماقتىق ماسەلەلەردى اسكەري جولمەن شەشۋ ەندى كۇن تارتىبىندە جوق ەكەنىن ايتتى، دەپ حابارلايدى “ادىرنا” ۇلتتىق پورتالى Caliber-گە سىلتەپ.
پاشينياننىڭ ايتۋىنشا، بۇل ماسەلە «وتكەننىڭ ەنشىسىندە قالعان جانە جابىلعان بەت». دەگەنمەن ول انكلاۆتارعا قاتىستى ماسەلە ءالى دە بار ەكەنىن جانە ونى رەتتەۋ قاجەتتىگىن اتاپ ءوتتى.
ارمەنيا ۇكىمەتىنىڭ باسشىسى ەرەۆان مەن باكۋ اراسىندا ەلەكتر ەنەرگياسىن ءوزارا جەتكىزۋ مۇمكىندىگى بار ەكەنىن ايتتى. سونداي-اق ونىڭ سوزىنشە، ارمەنيا جاقىن ارادا ازەربايجانعا تاۋار ەكسپورتىن باستاماق.
پاشينيان بۇل قادامدار ەكى ەل اراسىنداعى ەكونوميكالىق بايلانىستاردى دامىتۋعا مۇمكىندىك بەرەتىنىن اتاپ ءوتتى.
ۇقساس جاڭالىقتار
