جيىنعا «قوعامدىق كەلىسىم» كمم باسشىسى قۋانىش شاقشاقوۆ، ەتنومادەني بىرلەستىكتەردىڭ جەتەكشىلەرى، قوعامدىق جانە شىعارماشىلىق زيالى قاۋىم وكىلدەرى، جۋرناليستەر كلۋبىنىڭ مۇشەلەرى، ساراپشىلار، جاستار جانە قوعام بەلسەندىلەرى قاتىستى.
اقمولا وبلىسى پد ەكسترەميزمگە قارسى ءىس-قيمىل باسقارماسىنىڭ اعا جەدەل ۋاكىلى، پوليتسيا اعا لەيتەنانتى ابىلايحان تولەۋباي وڭىردەگى ەتنوسارالىق كەلىسىمدى نىعايتۋ باعىتىنداعى اقپاراتتىق جۇمىستار تۋرالى ايتىپ ءوتتى.
«ۆايناح» شەشەن-ينگۋش قوعامىنىڭ توراعاسى گەريحان يانديەۆ اعا بۋىننىڭ تاجىريبەسى مەن داستۇرلەرىنىڭ قوعامدىق كەلىسىمدى ساقتاۋداعى رولىنە توقتالدى.
سونىمەن قاتار جاستار باستامالارى، انالار كەڭەسىنىڭ جاس ۇرپاقپەن جۇمىسى، قوعامدىق تۇراقتىلىق جانە باق-تىڭ ەتنوسارالىق كەلىسىمدى نىعايتۋداعى ءرولى تالقىلاندى.
جيىن سوڭىندا قاتىسۋشىلار پىكىر الماسىپ، ەلدەگى بىرلىك پەن كەلىسىمنىڭ قوعام دامۋى ءۇشىن ماڭىزىن اتاپ ءوتتى.
